O desenvolvemento desta materia apóiase no método Netzwerk neu A1.1 e Netzwerk neu A1.2 e o emprego dos seus respectivos manuais e libros de exercicios ou Kurs- und Arbeitsbuch teñen carácter obrigatorio: véxanse as referencias destes libros na sección de bibliografía desta guía. É responsabilidade do alumnado obter unha copia impresa ou dixital das devanditas referencias para o bo seguimento do curso
A avaliación e conseguinte cualificación do traballo do alumnado levarase a cabo cun procedemento de avaliación continua de acordo coas metodoloxías e porcentaxes descritas máis arriba. Para obter o 20% (máximo) establecido para os traballos de aula, atenderase a participación regular e activa na aula, coa entrega de traballos e á valoración da calidade dos mesmos.
As probas escritas realizaranse nas datas fixadas no calendario oficial de exames da FFT. A nota final da parte escrita resultará de achar a nota media entre ambas probas.
O alumnado que non se acolla ao sistema de avaliación continua e escolla a avaliación única deberá realizar e superar un único exame escrito final sobre os contidos da materia, que se realizará na data oficial fixada no calendario aprobado pola Xunta da FFT, e máis outro oral noutra data concertada co profesorado. A nota final resultará da nota media obtida en ambas as dúas probas. Para poder presentarse á proba oral na avaliación única é necesario ter acadado un mínimo de 5 no exame escrito.
Tanto no caso da avaliación continua como da avaliación única, a nota dos exames -escritos e oral- non deberá ser inferior a 5 en cada una das probas para superar a materia.
SEGUNDA EDICIÓN DE ACTAS (XULLO)
Exame teórico-práctico escrito dos contidos do curso polo 100% da cualificación, que se realizará na data fixada no calendario de exames aprobado pola Xunta de FFT.
ADVERTENCIA: En calquera das convocatorias de exames, o profesorado pode esixir a realización dunha proba oral ou escrita complementaria a aquel alumnado, xa sexa de avaliación continua ou de única que, segundo o seu criterio razoado, non demostre suficiente competencia na materia, ou ben por calquera outra causa, incluída a sospeita de fraude, precise confirmar mellor o seu nivel na materia.
