A copia ou o plaxio serán actos penalizados en todas as probas.

O alumnado que decida acollerse á avaliación única debería comunicarllo á coordinadora en tempo e forma.

En canto á avaliación continua, na plataforma Moovi especificaranse as datas de entrega de actividades, probas e encargos de revisión e corrección de textos que terán un peso específico na cualificación da avaliación continua. A proba teórico-práctica (cuxa data de realización será a establecida no calendario de exames aprobado na Xunta da FFT) consistirá en responder correctamente a unha serie de preguntas sobre as unidades didácticas da programación da materia, por unha banda, e demostrar a aplicación práctica dos protocolos de revisión e corrección de textos aprendidos na clase, por outra banda. Cómpre aprobar a proba teórico-práctica para superar a materia.

Para o alumnado que decida acollerse á avaliación única, é dicir, non sometido á avaliación continua, terase en conta unicamente a proba teórico-práctica (cuxa data de realización será a establecida no calendario de exames aprobado na Xunta da FFT) consistente en responder correctamente a unha serie de preguntas sobre as unidades didácticas da programación da materia, por unha banda, e demostrar a aplicación práctica dos protocolos de revisión e corrección de textos aprendidos na clase, por outra. Cómpre aprobar cada unha das partes (teórica e práctica) para superar a materia.

A convocatoria de 2.ª oportunidade consistirá nunha proba teórico-práctica que constará das mesmas partes descritas anteriormente. Nesta 2.ª convocatoria manterase a nota da parte superada na 1.ª, debéndose repetir aquela que non fose superada. O alumnado de avaliación única debe aprobar cada unha das partes (teórica e práctica) para superar a materia.

A profesora Ana Hermida Ruibal impartirá 2 sesións a cada un dos 3 grupos de alumnado e encargarase do 7 % da avaliación, e a profesora Patricia Sotelo Dios impartirá 26 sesións a cada grupo e encargarase do 93 % da avaliación.