1. Consideracións sobre a avaliación
continua.

• A participación do estudante nalgún dos actos de
  avaliación da materia implicará a condición de presentado/a e, por tanto, a
  asignación dunha cualificación en actas.
• É obrigatoria a
  asistencia a un mínimo do 80% das prácticas de laboratorio, que non se poderán
  recuperar.
• 
  
  Para superar a materia, o alumnado deberá obter
  como mínimo unha cualificación de 5 puntos sobre 10 en todos os apartados de
  avaliación (prácticas de laboratorio, traballo, exame parcial, exame final).
  Así, a cualificación global necesaria para aprobar a materia, resultante da
  suma ponderada de todos os apartados de avaliación, será de 5 puntos sobre 10.
• 
  
  O alumnado poderá renunciar ao sistema de
  avaliación continua mediante o procedemento e no prazo establecidos polo
  Centro. De ser solicitada e autorizada dita renuncia, o 100 % da cualificación
  asignarase mediante a realización dun exame final, no que se poderán facer
  preguntas sobre todos os coñecementos impartidos na materia, incluídos os
  correspondentes ás clases prácticas.

 2. Consideracións sobre os exames (parcial e
final).

• Probas parciais. Durante o curso
  realizarase unha proba parcial de carácter eliminatorio, que incluirá preguntas
  de resposta curta e problemas ou exercicios, cun peso na cualificación global
  do 30%. Para superar esta proba, deberase obter como mínimo unha cualificación
  de 5 puntos sobre 10.

• Exame final 1ª oportunidade. Incluirá os
  contidos non avaliados na proba parcial, e terá un peso relativo do 30% na
  cualificación global da materia. En caso de non superar a proba parcial, darase
  a oportunidade ao alumnado de repetir a avaliación dos contidos correspondentes,
  na mesma data asignada para o exame final.

• Exame final 2ª oportunidade. O exame
  poderá ter preguntas sobre todos os coñecementos impartidos na materia,
  incluídos os correspondentes ás clases prácticas. O alumnado que obtivese a
  cualificación mínima establecida nesta guía para os diversos apartados de
  avaliación (prácticas de laboratorio, traballo, exame parcial), poderá
  examinarse só do resto de contidos.

 3. Consideracións sobre as actas

• Acta de 1ª oportunidade. A cualificación
  global será a suma ponderada das obtidas en todas as probas realizadas
  (prácticas de laboratorio, presentación do traballo e exames escritos), sempre
  que se teñan superado con cualificación igual ou maior que 5,0. En caso de
  suspender ou non presentarse a un ou ambos dos exames escritos, na acta
  reflectirase a cualificación de Suspenso, cun valor numérico obtido a partir da
  suma ponderada das cualificacións das prácticas e presentación de traballo. Os
  contidos aprobados, de laboratorio e da presentación do traballo realizado, resérvanse
  para sumar coa cualificación obtida na convocatoria correspondente á segunda
  edición da acta.

• Acta de 2ª oportunidade. A cualificación
  será a obtida ao sumar, coa ponderación establecida, a reflectida na primeira
  edición da acta coa obtida no exame correspondente á convocatoria
  extraordinaria, sempre que esta sexa igual ou superior a 5,0. No caso de que no
  exame final obtéñase unha nota inferior a 5,0, na acta reflectirase unha nota
  de Suspenso, cun valor numérico igual ao indicado na primeira edición.

 4. Consideracións éticas.

Espérase que o
estudantado presente un comportamento ético adecuado. No caso de detectar un
comportamento non ético (copia, plaxio, utilización de aparellos electrónicos
non autorizados, e outros) considérase que o/a estudante non reúne os
requisitos necesarios para superar a materia. Neste caso a cualificación global
no actual curso académico será de suspenso (0.0).

Non se permitirá a
utilización de ningún dispositivo electrónico durante as probas de avaliación
salvo autorización expresa. O feito de introducir un dispositivo electrónico
non autorizado na aula de exame será considerado motivo de non superación da
materia no presente curso académico e a cualificación global será de suspenso
(0.0).

Calendario actualizado de exames: https://eei.uvigo.es/gl/alumnado/planificacion-academica/calendario-de-exames/

Profesora
responsable de grupo: María Asunción Longo González