O alumnado poderá elixir ser avaliado mediante o sistema de avaliación continua (AC), ou alternativamente optar por unha proba de Avaliación Global (AG). A avaliación por defecto é a AC. O procedemento para elexir a AG será por medio dunha enquisa que será habilitada en Moovi ao comezo do cuatrimestre. A data límite para cubrir dita enquisa será o 1 de marzo de 2025. A elección de AG supón a renuncia ao dereito de seguir avaliándose mediante as actividades de AC que resten e á cualificación obtida ata ese momento en calquera das probas que xa tiveron lugar.

• AC. En caso de non renunciar á avaliación continua:
• Avaliación: O alumnado realizará as probas que constan como AVALIACIÓN CONTINUA no apartado Avaliación e cualificarase segundo a ponderación indicada.  
• As probas incluídas no apartado "Resolución de problemas" requiren a obtención de polo menos 3 puntos (sobre 10). Se non se alcanza esta nota mínima, a cualificación máxima de EC será de 4,5 puntos (suspenso) independentemente da cualificación obtida nas demais probas.
• Para superar a materia débese obter unha cualificación maior ou igual que 5 puntos (sobre 10) na nota final. 
• Considerarase que o alumnado se ten presentado á avaliación continua cando se teña presentado a algunha das probas/actividades de avaliación desta modalidade. Se non se presenta a ningunha das probas, figurará nas actas como "non presentado".