Guia docente 2025_26 Facultade de Dirección e Xestión Pública

Máster Universitario en Dirección pública e liderado institucional

Teoría e técnicas de negociación sociopolítica: xeración de consenso e confianza

Avaliación

	Descrición	Cualificación	Resultados de Formación e Aprendizaxe
Debate	Valorarase a mesura, a comprensión da materia, o dominio dos materiais nas intervencións, a lóxica aplicada, a aplicación práctica dos coñecementos teóricos adquiridos.	12	A4 A5	B1 B6 B7	C12	D1 D2 D3 D5 D6 D8
Foros de discusión	Valorarase a mesura, a comprensión da materia, o dominio dos materiais nas intervencións, a lóxica aplicada, a aplicación práctica dos coñecementos teóricos adquiridos.	18	A4 A5	B1 B6 B7	C12	D1 D2 D3 D5 D6
Estudo de casos	O razoamento, o dominio de materiais, o caso escollido e a súa solución así como a presentación, serán criterios a ter en conta.	30	A5	B6	C12	D5 D6 D8
Exame de preguntas obxectivas	Probas que avalían o coñecemento que inclúen preguntas pechadas con diferentes alternativas de resposta (verdadeiro/falso, elección múltiple, emparellamento de elementos...). Os alumnos/as seleccionan unha resposta entre un número limitado de posibilidades. As preguntas poderán ser sobre a teoría ou sobre un caso concreto exposto no exame.	40

Outros comentarios sobre a Avaliación
A avaliación será preferentemente continua, o estudantado que renuncie á avaliación continua poderá optar pola avaliación global. Deberá comunicalo ao docente no prazo establecido. Para superar a materia, os/as estudantes deberán aprobar cada proba evaluativa por separado, cun mínimo de cinco para poder sumar as notas obtidas en cada parte para determinar o resultado final. A información sobre as actividades evaluativas continua e global estará dispoñible no espazo da materia no campus virtual, baixo a etiqueta “Avaliación” de cada tema. O alumnado terá opción a presentarse á convocatoria extraordinaria (segunda oportunidade) a partir da adaptación que destas actividades realice o docente e cuxo contido será colgado da plataforma. Toda a información dá materia estará dispoñible na plataforma Moovi. https://moovi.uvigo.gal Será requisito necesario para o desenvolvemento da materia que o profesorado da mesma poida dispoñer dunha FOTOGRAFÍA actualizada* do alumnado que deberán subir á plataforma a comezos de curso, e sempre antes do día 30 de setembro. () A única finalidade do tratamento deste dato é que o profesorado da materia poida verificar a identidade do alumnado matriculado na mesma. A base de lexitimación para o tratamento deste dato realízase en aplicación do disposto no artigo 6.1e) do RXPD no que o tratamento é necesario para o exercicio dos poder públicos conferidos ao responsable do tratamento baseados no artigo 9 da Lei 39/2015, do 1 de outubro do procedemento administrativo común das administracións públicas e no artigo 25.7 do RD 1791/2010, do 30 de decembro, polo que se aproba o Estatuto do Estudante Universitario. O acceso á imaxe e aos datos persoais do alumnado só é permitido ao profesorado de cada materia para a realización das actividades académicas indicadas nesta guía docente e non serán utilizados nin divulgados para ningunha outra finalidade, debendo gardar o correspondente deber de confidencialidade dos mesmos. ATENCIÓN! REFERENCIA SOBRE O USO RESPONSABLE DA INTELIXENCIA ARTIFICIAL (IA)* O uso de ferramentas de IA está permitido nesta materia sempre que se faga dun xeito ético, responsable e transparente. Para iso, o estudantado deberá: Utilizar a IA como apoio para a aprendizaxe, e non como substituto do pensamento crítico nin do traballo individual. Revisar criticamente todas as actividades antes da súa realización ou entrega, xa que a responsabilidade última da tarefa ou actividade recae, en todo caso, no/na estudante. Citar adecuadamente calquera contido xerado con IA, incluíndo os prompts utilizados e as respostas obtidas, seguindo o modelo de citación APA (7ª edición). Evitar o uso da IA para realizar tarefas que deban reflectir competencias persoais (exames, reflexións individuais ou traballos prácticos avaliativos, etc.), salvo indicación expresa do profesorado. Lembrar que o uso indebido da IA poderá ser considerado unha forma de fraude académico ou conduta deshonesta, e será tratado consonte a normativa disciplinaria vixente na Universidade de Vigo (UVigo). A continuación, inclúese un exemplo de citación de prompts e respostas en formato APA (7ª edición). Para citar contido xerado por IA, recoméndase seguir o seguinte criterio: Na lista de referencias: OpenAI. (2025). Resposta xerada por IA a partir do prompt: “Explica a teoría da aprendizaxe significativa de Ausubel” [IA xerativa]. ChatGPT. https://chat.openai.com/ No texto: (OpenAI, 2025). Tamén se pode incluír o prompt nun apéndice ou nota ao pé de páxina se é relevante para a comprensión do traballo.