Convocatoria ordinariaAvaliación continua A avaliación continua desenvolverase ao longo do cuadrimestre mediante o seguimento do traballo do alumnado, a realización dos exercicios propostos nas sesións presenciais e a entrega dos traballos obrigatorios vinculados aos contidos da materia. Para superar a materia por esta modalidade, será necesario entregar todos os exercicios e traballos obrigatorios establecidos, acadar unha cualificación final igual ou superior a 5 sobre 10 e obter unha cualificación mínima de 4 sobre 10 en cada un dos traballos obrigatorios. Se algún exercicio ou traballo obrigatorio obtén unha cualificación inferior a 4, non ponderará para superar a materia na convocatoria ordinaria e o alumnado deberá presentarse á segunda convocatoria. Avaliación global O estudantado que opte pola avaliación global deberá comunicalo por escrito á persoa responsable da materia no prazo máximo dun mes desde o inicio da docencia. Esta elección suporá a renuncia á avaliación continua e a anulación das cualificacións obtidas por esa vía. O alumnado acollido á avaliación global deberá presentar todos os traballos solicitados durante o cuadrimestre, equivalentes aos requiridos na avaliación continua, e realizar un exame teórico-práctico sobre os contidos da materia nas datas oficiais da convocatoria ordinaria. A cualificación nesta modalidade corresponderase coa metodoloxía de resolución de problemas de forma autónoma, cun peso do 60%, e co exame teórico-práctico, cun peso do 40%. Segunda convocatoriaNa segunda convocatoria, o alumnado deberá entregar os exercicios e traballos obrigatorios solicitados durante o cuadrimestre que non fosen presentados ou que obtivesen unha cualificación inferior a 4 na convocatoria ordinaria. Ademais, deberá realizar un exame teórico-práctico sobre os contidos abordados na materia, na data oficial establecida para a segunda convocatoria. A data oficial da segunda convocatoria poderá consultarse na páxina web da Facultade: |
