Para superar a materia na primeira oportunidade mediante Avaliación Continua será necesario:
- Unha nota mínima de 4 sobre 10 en cada unha das probas avaliables da materia (estudo de casos, exame de preguntas de desenvolvemento e presentación).
- Asistir, como mínimo, ao 90% das sesións prácticas.
No caso de non cumprir estas condicións, a nota final será o mínimo entre a media ponderada da Avaliación Continua e 4,9.
(2) Estudantes que desexen ser avaliados mediante Avaliación Global
A avaliación da materia na primeira oportunidade realizarase, por defecto, mediante Avaliación Continua. O estudantado ten dereito a optar pola Avaliación Global segundo o procedemento e o prazo que estableza o centro para cada convocatoria.
A nota obtida neste exame representará o 100% da nota final. O estudante deberá acadar unha cualificación mínima de 5,0 neste exame. O exame poderá incluír unha parte a realizar nunha sala de ordenadores e/ou laboratorio, e abranguerá a totalidade da materia impartida, así como os contidos tratados nas sesións prácticas e nos traballos realizados.
Avaliación de Segunda Oportunidade e Fin de Carreira
O estudantado que non superase a materia na primeira oportunidade poderá realizar un exame que suporá o 100% da nota final. Será necesario acadar unha nota mínima de 5,0 neste exame. O exame poderá incluír unha parte a realizar nunha sala de ordenadores e/ou laboratorio, e incluirá a totalidade dos contidos da materia, así como os traballos e sesións prácticas.
En caso de detección de plaxio en calquera elemento de cualificación, a nota correspondente será un 0, e o feito será comunicado á dirección do Centro para os efectos oportunos.
