Para o alumnado que segue a avaliación continua:

O alumnado que siga a avaliación continua deberá entregar todas as prácticas, proxectos e portafolio que se avalúen nesta modalidade, así como cumprir coa asistencia obrigatoria (mínimo esixido: 80% das sesións teóricas e prácticas). As entregas estarán programadas.

Avaliación global:

O alumnado de avaliación global deberá poñerse en contacto co profesorado da materia durante o primeiro mes de clase para coñecer en detalle os traballos e exercicios que deberán entregarse. O alumnado que opte por esta modalidade deberá superar unha proba escrita sobre os contidos teóricos presentados nas clases maxistrais, así como o resto dos traballos prácticos.

Segunda oportunidade:

As partes da materia superadas na 1ª oportunidade, non serán obxecto de avaliación na 2ª.

As datas das probas de avaliación poden consultarse na páxina web da Facultade de Educación e Traballo Social.

O emprego de ferramentas de IA nas actividades de avaliación desta materia deberá axustarse a un uso responsable, ético e transparente, conforme ás directrices da FETS (https://fcce.uvigo.es/gl/o-centro/normativa-e-formularios/#normativa) e á Normativa que estableza a UVigo.

En coherencia co carácter inclusivo da Facultade de Educación e Traballo Social, esta guía poderá ser adaptada para atender as necesidades específicas de apoio educativo que presenten os estudantes adscritos ao programa PIUNE (PAT).

Coa finalidade de favorecer a conciliación da vida laboral e a formación académica, adaptaranse os contidos, a planificación, os recursos metodolóxicos e o sistema de avaliación do alumnado do curso ponte asegurando, en todo caso, a consecución das competencias e resultados de aprendizaxe establecidos neste documento. Abrirase un cartafol específico na plataforma Moovi no que se facilitará información sobre as tarefas e probas de avaliación que orientarán o desenvolvemento desta materia ao alumnado do curso ponte ou profesionais en exercicio.