A materia "Xestión de espazos naturais e protexidos" abarca aspectos xerais relativos á xestión e conservación da biodiversidade das diversas redes de espazos protexidos: como se clasifican e os principios básicos do seu deseño e planificación, así como ás ferramentas para a súa planificación e xestión.
Os obxectivos que se perseguen tras cursar esta materia son os seguintes:
1) Coñecer as áreas de xestión e planificación dos Parques Nacionais.
2) Coñecer as diversas redes de espazos protexidos existentes tanto a nivel estatal como europeo.
3) Coñecer a lexislación e normativa que afecta os Espazos Protexidos, e en particular aos Parques Nacionais.
4) Facilitar recursos de xestión relacionados coa área de conservación da biodiversidade e uso público da rede de espazos protexidos
