AVALIACIÓN CONTINUA Todos os alumnos serán avaliados de maneira continua mediante o desenvolvemento do CASO de ESTUDO, prácticas, cuestionarios e probas, así como a resolución de problemas.
RESOLUCIÓN PROBLEMAS (10%) no transcurso do curso os alumnos realizarán diferentes entregables de resolución de problemas, así como actividades H5P.
CASO de ESTUDO (20%): ao longo do cuadrimestre os alumnos deberán realizar en grupo un traballo no que utilizarán os diferentes coñecementos que están a adquirir na materia. O profesor planificará seminarios de seguimento do traballo no que se avaliará o estado do mesmo. As avaliacións parciais de entregables sobre o traballo realizado durante o curso así como a avaliación da presentación final do traballo (memoria e presentación) constitúen un 20% da nota da materia correspondendo un 10% a memoria e seguimento e un 10% a presentación.
PRÁCTICAS LABORATORIO E SAÍDAS DE ESTUDO (20%): Durante o cuadrimestre os alumnos realizarán prácticas de laboratorio e saídas de estudos que suporán un 20% da nota final de materia. A nota total das prácticas e saídas de estudo dividirase da seguinte maneira: 10% exame oral individual das prácticas e 10% a memoria prácticas e proba sobre saídas de estudos. Requírese unha asistencia mínima o 80% das prácticas e saídas da materia para ter dereito á avaliación das mesmas. En caso contrario a nota deste apartado será 0,0 e terán que realizar un exame das mesmas no exame final. Do mesmo xeito requírese alcanzar un mínimo do 40% da nota das prácticas, de non alcanzar unha nota mínima en prácticas deberase realizar un exame de prácticas durante o exame final.
PROBAS E CUESTIONARIOS (20%): ao longo do cuadrimestre, a poderen ser despois de cada tema, poderanse realizar cuestionarios tipo test o probas de preguntas cortas que serán 20% da nota. Asímesmo realizaranse probas tipo QUIZZIZ que podrerán ter un valor de ata 0.5 puntos+.
NOTA FINAL A nota final será a suma das notas obtidas en cada apartado a condición de que se alcance unha nota mínima no examen de preguntas de desenvolvemento (50% da nota máxima 3) e exames de preguntas obxetivas (40% da nota máxima 2). De non alcanzar as nota mínima nos exames, a suma destas notas será a cualificación que figurará na acta.
SEGUNDA CONVOCATORIA Na segunda convocatoria, manterase a nota das PRÁCTICAS conseguida na primeira convocatoria (de chegar o 40% da nota máxima) e manterase a cualificación obtida no CASO de ESTUDO e RESOLUCION DE PROBLEMAS. O alumno que non obtivese o 40% da nota máxima nas prácticas deberá realizar un exame das mesmas nesta segunda convocatoria. RENUNCIA AVALIACIÓN CONTINUA/ AVALIACIÓN GLOBAL O alumno será avaliado por un exame final dos contidos da materia (teóricos e prácticos) que será o 100% da nota.
COMPROMISO ÉTICO Espérase que os alumnos teñan un comportamento ético adecuado. Si se detecta un comportamento pouco ético (copia, plaxio, uso de dispositivos electrónicos non autorizados, por exemplo) considerarase que o estudante non cumpre cos requisitos para superar a materia. Nese caso a cualificación global no ano académico será suspenso (0,0). Non se permitirá o uso de ningún dispositivo electrónico durante as probas de avaliación salvo autorización expresa. O feito de introducir un dispositivo electrónico non autorizado na aula do exame considerarase motivo de non superación da materia no curso académico e cualificación global será suspenso (0,0). |