Convocatoria ordinaria

Nesta asignatura realizarase unha Avaliación Continua  (AC) do traballo realizado polo estudante, que será o sistema de avaliación preferente.

Para superala asignatura por Avaliación Continua (AC) deben cumplirse dúas condicións:

1. Acadar alomenos un 25% da nota en cada un dos tres apartados puntuables (proba IRPF, proba IS, tests).

2. Obter alomenos 5 puntos na suma destes tres apartados puntuables (probas IRPF e IS, tests).

A non presentación a calquera das dúas probas presenciais escritas (IRPF e IS) suporá que o estudante deixa de ser avaliado en Avaliación Continua. Tamén se sairá da Avaliación Continua se non se acada alomenos un 25% da nota máxima en cada un dos tres itéms avaliables (proba IRPF, proba IS, tests).

A nota final por AC  será a suma das notas parciais obtidas ata ese momento. Aqueles estudantes que se queden fora da AC  terán a opción de presentarse á proba de Avaliacion Global na convocatoria oficial. Esta proba de Avaliación Global consistirá na realización de dous estudos de caso completos, un de IRPF e outro de IS. A proba Avaliación Global suporá o 100% da cualificación e non terá en conta os puntos obtidos en AC.

O estudantado pode renunciar á AC  e pasarse á Avaliación Global comunicando por escrito ó coordinador da materia no seguinte prazo: do 11 de setembro ó 11 de outubro (ámbolos dous días incluídos).