Considerarase que o/a estudante se presenta á avaliación se participa en actividades que lle permitan obter polo menos un
50% da avaliación final. A) Convocatoria ordinaria
A.1) Avaliación continua (25%): Proporase unha proba con distintos exercicios relativos aos temas 1 e 2, que cada estudante
deberá realizar de forma individual nunha sesión presencial fixada con esta
finalidade. A avaliación continua soamente se poderá ter en conta para o
cálculo da nota final se se supera, é dicir, se se obtén nela unha valoración
dun mínimo de 5 puntos, nunha escala de 0 a 10. En caso contrario, deberá realizarse a recuperación correspondente no exame final.
A.2) Exame final (75%): Na convocatoria
ordinaria, o exame final constará de dúas probas, unha para a parte teórica e
outra para a parte práctica, segundo se indica a continuación:
a) Para a avaliación da docencia teórica proporase un exame con preguntas de tipo test e/ou resposta curta, que terá
un peso do 50% na nota final.
b) Para a avaliación da parte práctica, realizarase
un exame con distintos exercicios que deberán resolverse utilizando o
programa R. O exame final da parte práctica terá dúas
modalidades:
- Para as persoas que tivesen superada a avaliación
continua, o exame terá un peso do 25% na nota final e abarcará os
temas 3, 4 e 5.
- Para as persoas que non tivesen superada a
avaliación continua, o exame terá un
peso do 50% na nota final e abarcará toda a materia.
Para superar a materia na convocatoria ordinaria é necesario alcanzar
unha nota final dun mínimo de 5 puntos, nunha escala de 0 a 10, e conseguir
un mínimo de 4 puntos, nunha escala de 0 a 10, en cada unha das probas do
exame final.
B) Convocatoria extraordinaria
Na avaliación
da convocatoria extraordinaria seguiranse os mesmos
criterios que na convocatoria ordinaria. Deste xeito, manterase a nota
da avaliación continua, no caso de que se tivese superada. Así mesmo, o
exame final constará das mesmas probas e modalidades que na
convocatoria ordinaria, segundo se tivese superada ou non a avaliación continua. |