Guia docente 2026_27 Facultade de Deseño

Máster Universitario en Deseño e Dirección Creativa en Moda

Avaliación

	Descrición	Cualificación	Resultados de Formación e Aprendizaxe
Estudo de casos	Análise dun problema ou caso real, para interpretalo e xerar unha solución como forma de aplicar os conceptos teóricos na realidade.	20	A2 A5	B8 B10	C2 C4	D12
Presentación	Valorarase a presentación, argumentación e adecuación das propostas desenvolvidas aos obxectivos do proxecto, atendendo á claridade expositiva, á coherencia visual, á calidade formal e á adecuación do portfolio a contextos académicos e profesionais.	10	A1 A4	B8 B9 B10	C3 C4	D3 D10 D12
Resolución de problemas de forma autónoma	Avaliarase a entrega de proxectos e exercicios de carácter obrigatorio realizados de maneira autónoma baixo a titorización e guía do profesorado da materia. Valorarase a autonomía no proceso de traballo, a aplicación dos procedementos técnicos e conceptuais, a coherencia das decisións estéticas e técnicas, a calidade dos resultados e a capacidade de revisión e mellora das propostas, así como o desenvolvemento dunha linguaxe gráfica e visual propia.	40	A1 A4 A5	B8 B9 B10	C3 C4	D3 D10 D12
Resolución de problemas e/ou exercicios	Avaliarase a realización de exercicios prácticos desenvolvidos na aula ao longo das diferentes sesións do cuadrimestre. Estas actividades permitirán valorar a aplicación progresiva dos contidos da materia, a comprensión dos procedementos técnicos, a capacidade de resolución formal e conceptual, e a adecuación das solucións aos obxectivos formulados.	30	A1 A4	B9	C3 C4	D1 D4 D5 D10

Outros comentarios sobre a Avaliación
Convocatoria ordinaria Avaliación continua A avaliación continua desenvolverase ao longo do cuadrimestre mediante o seguimento do traballo do alumnado, a realización dos exercicios propostos nas sesións presenciais e a entrega dos traballos obrigatorios vinculados aos contidos da materia. Para superar a materia por esta modalidade, será necesario entregar todos os exercicios e traballos obrigatorios establecidos, acadar unha cualificación final igual ou superior a 5 sobre 10 e obter unha cualificación mínima de 4 sobre 10 en cada un dos traballos obrigatorios. Se algún exercicio ou traballo obrigatorio obtén unha cualificación inferior a 4, non ponderará para superar a materia na convocatoria ordinaria e o alumnado deberá presentarse á segunda convocatoria. Avaliación global O estudantado que opte pola avaliación global deberá comunicalo por escrito á persoa responsable da materia no prazo máximo dun mes desde o inicio da docencia. Esta elección suporá a renuncia á avaliación continua e a anulación das cualificacións obtidas por esa vía. O alumnado acollido á avaliación global deberá presentar todos os traballos solicitados durante o cuadrimestre, equivalentes aos requiridos na avaliación continua, nas datas oficiais da convocatoria ordinaria. A cualificación nesta modalidade corresponderase coa metodoloxía de resolución de problemas de forma autónoma, cun peso total do 100%. Segunda convocatoria Na segunda convocatoria, o alumnado deberá entregar os exercicios e traballos obrigatorios solicitados durante o cuadrimestre que non fosen presentados ou que obtivesen unha cualificación inferior a 4 na convocatoria ordinaria. A data oficial da segunda convocatoria poderá consultarse na páxina web da Facultade: https://deseno.uvigo.gal/horarios-calendarios-e-avaliacions/