No
momento de facer a solicitude de defensa na Intranet o estudantado co visto e
prace da persoa titora (se existise desacordo entre ambos, prevalecerá a
decisión da persoa titora) deberá optar por:

1.- Avaliación do traballo por un tribunal unipersoal (persoa titora):

A persoa titora do TFG será a encargada da
avaliación e cualificación. O estudante deberá defender en acto público o seu
TFG perante o/a titor/a. A cualificación final estará integrada por:

a) Valoración do traballo: 70%. Avaliaranse o
progreso académico do/a estudante, os contidos, o proceso de elaboración, a
consecución dos obxectivos e a presentación e calidade do traballo escrito.

b) Exposición e defensa do TFG: 30%. Avaliaranse
a selección, o equilibrio e a organización do contido na presentación oral, a competencia
comunicativa oral, o emprego axeitado do vocabulario, así como dos recursos
informáticos e as respostas ás cuestións formuladas polo tribunal.



2.- Avaliación do traballo por tribunal colexiado:

A
cualificación do tribunal estará integrada pola suma de:

a) Valoración do traballo por parte do/a titor/a:
30%. Avaliaranse o progreso académico do/a estudante, os contidos, o proceso de
elaboración, a consecución dos obxectivos e o traballo escrito.

b) Valoración do traballo escrito e da
exposición e defensa do contido do TFG por parte do Tribunal: 70%. O tribunal
estará composto por tres profesores/as do Centro. A valoración do tribunal será
a media aritmética das notas atribuídas por cada un dos seus membros. Os
criterios de avaliación son os seguintes: traballo escrito (70%) e exposición e
defensa oral (30%).

A defensa do TFG realizarase, previa
convocatoria pública, de forma pública e presencial ante o tribunal unipersoal
ou o tribunal colexiado, e consistirá nunha exposición (10 minutos) e unha
quenda de preguntas e respostas (10 minutos).  O TFG debe ser un traballo persoal no que se
constrúa un discurso propio. Cando se utilicen ideas ou palabras doutra autoría
acreditarase explicitamente a súa orixe.

O alumnado que non supere o TFG na avaliación do segundo
cuadrimestre poderá presentarse á segunda convocatoria no mes de xullo.  No caso de obter a cualificación de suspenso,
ben sexa na primeira ou segunda convocatoria, o tribunal fará chegar un informe
coas recomendacións oportunas ao alumnado e á persoa titora para a mellora do
traballo e a súa posterior avaliación.

As datas de entrega da memoria e da defensa do TFG serán
publicadas con antelación suficiente na web da Escola Universitaria CEU de
Maxisterio:
http://www.escuelamagisterioceuvigo.es/estudios/trabajo-fin-grado-magisterio-vigo.php