A avaliación será preferentemente continua. A cualificación final resultará da suma das puntuacións obtidas nas distintas actividades, segundo as porcentaxes recollidas no cadro anterior, ningunha das cales supera o 40% na primeira oportunidade. As actividades de avaliación continua son: as prácticas realizadas e entregadas na aula, os traballos tutelados e o exame. Ao longo do cuadrimestre realizaranse probas liberatorias de verbos e ortografía. A súa superación elimina a materia correspondente do exame final. Estas probas forman parte da avaliación continua e o seu efecto liberatorio aplícase unicamente dentro desta modalidade. A realización e entrega das prácticas de aula constitúe a evidencia da participación continua na materia. Estar na avaliación continua require realizar as súas actividades; o alumnado que non as realice será avaliado pola modalidade global nos termos que se indican máis abaixo. Para superar a materia será necesario superar os traballos e acadar unha cualificación mínima de 5 no exame. Mentres non se supere o exame non se computarán as notas dos traballos tutelados nin das prácticas de aula; nese caso, a cualificación final da materia reflectirá o rendemento real do alumnado, sen superar 4,9.  Na segunda oportunidade (extraordinaria) conservarase a cualificación das actividades xa superadas; o alumnado deberá realizar o exame e/ou os traballos non superados. A parte correspondente ás prácticas de aula non realizadas ou non superadas avaliarase mediante unha actividade equivalente , de xeito que o alumnado poida optar á máxima cualificación.   

De acordo cos artigos 19 e 21 do Regulamento sobre a Avaliación, a Cualificación e a Calidade da Docencia e do Proceso de Aprendizaxe do Estudantado (aprobado polo Claustro da UVigo o 18 de abril de 2023), calquera estudante poderá optar pola avaliación global en lugar da continua, comunicándoo ao profesorado. Esta elección supón a renuncia ás cualificacións obtidas naavaliación continua. Así mesmo, o alumnado que non realice as actividades de avaliación continua será avaliado pola modalidade global na data oficial do exame, sen necesidade de solicitude previa. A avaliación global consistirá nun exame final específico (70%) e nunha proba práctica realizada na data oficial do exame ou traballo práctico de entrega (30%). O exame da avaliación global avalía os mesmos resultados de aprendizaxe da materia e permite ao alumnado optar á máxima cualificación. A non asistencia ás aulas non repercutirá negativamente na cualificación nin será requisito preceptivo. Conforme ao establecido no Regulamento, a descrición e o peso das probas da avaliación global figuran nesta guía docente; o seu desenvolvemento detallado desenvolverase en Blackboard.