Guia docente 2026_27 Facultade de Ciencias Xurídicas e do Traballo

Máster Universitario en Xestión e Dirección Laboral

Avaliación

	Descrición	Cualificación	Resultados de Formación e Aprendizaxe
Resolución de problemas e/ou exercicios	1.- Resolución de problemas e/ou exercicios: o 10 % da cualificación final será avaliado polo profesorado encargado da materia atendendo á participación e intervención nas clases teóricas e prácticas, así como á realización escrita dos exercicios prácticos propostos polo profesorado. 2.- Probas de coñecementos teóricos: durante o cuadrimestre realizaranse unha ou máis probas tipo test/cuestionarios sobre unha parte dos contidos teóricos da materia, que suporán un 10 % da nota final. En ningún caso a superación destas probas eximirá da realización do exame final. As datas de celebración de cada test/cuestionario serán fixadas polo docente no cronograma da materia. 3.- O profesorado da materia poderá, se así o indica o primeiro día de clase, substituír os dous puntos anteriores por unha asignación do 20 % da cualificación á participación activa durante as clases teóricas.	20	A1 A2 A3 A4 A5
Exame de preguntas de desenvolvemento	4.- Exame teórico: ao final do cuadrimestre realizarase un exame no que o alumnado deberá demostrar a adquisición dos coñecementos teóricos da materia mediante respostas de extensión intermedia. Este exame poderá ser oral ou escrito. A cualificación obtida nesta proba suporá o 40 % da nota final. A data da súa celebración será fixada polo docente no cronograma da materia. 5.- O profesorado da materia poderá, se así o indica o primeiro día de clase, substituír a avaliación do punto 4 por unha asignación do 40 % da cualificación á participación activa durante as clases prácticas.	40	A1 A2 A3 A4 A5
Estudo de casos	6.- Exame teórico-práctico final: Na data prevista no calendario oficial de exames realizarase unha proba ou exame final para avaliar os coñecementos teóricos e prácticos adquiridos durante o cuadrimestre, que suporá o 40 % da cualificación final. Este exame poderá ser oral ou escrito.	40

Outros comentarios sobre a Avaliación
CONVOCATORIA COMÚN DECEMBRO/XANEIRO (sistema de avaliación continua/sistema de avaliación final) a) Avaliación continua. Entenderase que o/a alumno/a se acolle ao sistema de avaliación continua cando realice algunha das probas mencionadas (test/cuestionario, exame teórico e exame teórico-práctico). Non é posible renunciar á avaliación continua unha vez realizada algunha destas probas. O/a estudante deberá acreditar a asistencia ao 80 % das clases prácticas e unha asistencia regular ás clases teóricas. Nestas últimas realizaranse controis de asistencia aleatorios. Para seguir a avaliación continua é requisito imprescindible dita asistencia mínima e, en caso de que por calquera motivo non se cumpra, o alumnado non será avaliado e terá como alternativa o sistema de avaliación non continua. Para aprobar a materia é necesario que a nota final da avaliación continua (participación, probas test/cuestionario e exame teórico) e a nota do exame final teórico-práctico sumen un mínimo de 5 puntos sobre 10. En todo caso, para que esta suma se poida realizar no exame teórico-práctico final será requisito imprescindible obter, á súa vez, unha nota mínima de 5 sobre 10. CONVOCATORIA COMÚN DO MES DE JULIO: Se o/a alumno/a non superase na convocatoria común do mes de decembro, a nota obtida na avaliación continua desenvolvida durante o curso conservarase para a convocatoria do mes de xullo. Neste caso, o exame final só suporá o 40 % da cualificación. É necesario acadar nesta proba unha puntuación de 5 sobre 10 para que se sume a puntuación obtida na avaliación continua. Recoñécese o dereito á avaliación non continua; neste caso, o 100 % da cualificación avaliarase mediante un exame final. O exame final poderá ser oral ou escrito e estará composto por preguntas teóricas e prácticas sobre os conceptos da materia e as súas relacións entre si. CONVOCATORIA FIN DE CARREIRA: Na convocatoria de fin de carreira, o alumnado será avaliado nun único exame escrito ou oral, composto por preguntas teóricas e prácticas sobre os conceptos da materia e as súas relacións entre si, que representará o 100 % da cualificación final. As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade e publicadas na Web http://cienciasxuridicasedotraballo.webs.uvigo.es. Non está permitido levar ao exame ningún dispositivo electrónico.