Guia docente 2023_24 Facultad de Filología y Traducción

Grao en Filoloxía Aplicada Galega e Española

Seminario de lingüística aplicada: Desafíos actuais no estudo da linguaxe e as linguas

Avaliación

	Descrición	Cualificación	Resultados de Formación e Aprendizaxe
Seminario	O alumnado deberá facer unha lectura exhaustiva dos textos propostos. Ademais, deberá entregar con antelación á celebración de cada seminario un breve documento que inclúa un resumo, unha avaliación crítica e unhas preguntas para discutir no seminario. Para obter a máxima cualificación nesta metodoloxía é imprescindible a asistencia e a participación activa nas sesións.	25	A2 A3	B2 B8
Resolución de problemas	Valorarase especialmente a resolución creativa das prácticas e dos estudos de caso proposta, a partir dos coñecementos adquiridos nas sesións maxistrais	15	A2 A3	B2 B8
Debate	Valorarase a capacidade argumentativa rigorosa, afastada do ultracrepidarianismo, dos prexuízos e da banalidade	15	A2 A3	B2 B8
Estudo de casos	Terase en conta o enfoque teórico e metodolóxico, alén das solucións achegadas nas problemáticas elixidas para os estudos de caso.	30	A2 A3	B2 B8
Exame de preguntas de desenvolvemento	O alumnado responderá por escrito, de xeito conciso e razoado, as cuestións que se lle expoñan no exame.	15	A2 A3	B2 B8

Outros comentarios sobre a Avaliación
1. PRIMEIRA EDICIÓN DE ACTAS 1.1. Avaliación continua Na avaliación continua, a nota final calcularase a partir da media das notas obtidas nas metodoloxías de avaliación. As probas non realizadas contarán coma un cero. A nota media mínima para aprobar a materia é de 5. O exame terá lugar na data oficial aprobada pola Xunta de Facultade para a primeira edición das actas. O alumnado que non consiga superar a materia nesta primeira edición das actas, será avaliado na segunda edición das actas mediante un exame único baseado en todos os contidos da materia. Todas as probas cualificaranse tendo en conta non só a pertinencia e calidade do contido das respostas senón tamén a súa corrección lingüística e o seu rigor académico. É responsabilidade do alumnado facer un seguimento da materia a través de Moovi e estar ao tanto das datas de realización das probas. 1.2. Avaliación única Excepcionalmente, haberá unha modalidade de avaliación única na primeira edición de actas, só para aquelas/es estudantes que por motivos xustificados non poidan facer un seguimento regular da materia. Neste caso, a/o alumna/o deberá comunicarllo á profesora argumentadamente ao comezo do cuadrimestre (nas dúas primeiras semanas de clase). O alumnado avaliado mediante o sistema de avaliación continua non se poderá acoller en ningún caso á modalidade de avaliación única. A avaliación constará dun exame global baseado nos contidos da materia e cuxa nota constituirá o 100 % da cualificación final. A nota mínima para aprobar este exame será de 5. Este exame terá lugar despois do período de docencia, na data oficial aprobada pola Xunta de Facultade. A escolla desta opción en ningún caso supón a perda do dereito a asistir ás aulas sempre que sexa posíbel, o cal se recomenda encarecidamente. O alumnado que siga esta modalidade de avaliación será responsábel de manter un contacto continuado coa materia a través de Moovi. 2. SEGUNDA EDICIÓN DE ACTAS Tanto na avaliación única coma na continua, na segunda edición de actas (xuño-xullo) a avaliación levarase a cabo mediante un exame único, baseado en todos os contidos da materia e cuxa nota constituirá o 100% da cualificación final. A nota mínima para aprobar este exame será de 5. Este exame terá lugar na data oficial aprobada pola Xunta de Facultade.