Educational guide 2025_26 Facultade de Filoloxía e Tradución

Interpretación consecutiva avanzada idioma 1: Inglés-Español

Avaliación

	Descrición	Cualificación	Resultados de Formación e Aprendizaxe
Prácticas de laboratorio	Práctica de interpretación consecutiva na clase (só se terá en conta se mellora a nota final).	40
Seminario	Aplicación dos coñecementos teóricos á práctica da interpretación consecutiva.	0
Obradoiro	Asistencia, participación e preparación das tarefas da clase.	10
Prácticas con apoio das TIC	Práctica autónoma na casa	10
Práctica de laboratorio	Realización dunha proba final de interpretación consecutiva entre as linguas B e A. Para cualificar esta proba empregarase unha matriz de valoración que avalía a interpretación en función de catro criterios (fluidez e seguridade, expresión e corrección, resolución de problemas e contido) cuxa ponderación se especifica na matriz. Á marxe da media final, é condición sine qua non para dar por superada esta proba obter un mínimo de aprobado na parte de contido. Apto necesario (é imprescindible obter un 5 nesta proba para aprobar a materia). No caso de obter nela unha nota máis alta que a da práctica de interpretación consecutiva na clase, a nota da proba final pasará a contar un 80%.	40

Outros comentarios sobre a Avaliación
Para poder optar á avaliación continua —explicitada na sección "Avaliación" desta guía docente— cómpre realizar satisfactoriamente todas e cada unha das tarefas ou actividades que se propoñan segundo a secuenciación proposta na clase para o mellor aproveitamento do curso. Así mesmo, dado o deseño e carácter práctico da materia, baseados na aprendizaxe progresiva, recoméndase asistir ás clases, malia non ser obrigatorio. En calquera caso, para a avaliación continua, informarase das tarefas e probas na clase, espazo de comunicación e aprendizaxe principal da materia. Tanto a avaliación única (para aquel alumnado que non queira ou non poida acollerse á avaliación continua) como a segunda convocatoria consistirán nun exame de interpretación consecutiva de inglés a castelán e ambas terán lugar nas datas establecidas no calendario de exames aprobado en Xunta de FFT. No caso de suspenso na proba final, o alumnado de avaliación continua ten dereito a que se lle garden as demais cualificacións da materia e só repetir esta última proba na segunda convocatoria.