A avaliación será continua. Para poder seguir esta avaliación terá que asistirse ó 80% mínimo das horas. A asistencia é un requisito para seguir a avaliación continua, pero non será puntuada na nota global. Para superar a materia, os alumnos deberán realizar todos os traballos estipulados polo profesor (traballos de aula, presentacións e exposicións de traballos, resolución de problemas ou exercicios e traballos e proxectos). As prácticas ou exercicios propostos terán que ser entregados na data establecida. Fóra dese prazo non serán admitidos. A nota final será a suma de todos estes traballos.

A condición para ser avaliado será a asistencia a un 80% das aulas. Se algún alumno ou alumna non pode asistir ó 80 % das clases por razóns laborais ou persoais, deberá comunicalo ó profesor nos primeiros 15 días de clase. Neste caso, haberá de presentarse a unha modalidade de avaliación única que consistirá  nunha proba teórica (50% da nota) e outra práctica que constará de tres exercicios escritos (30% da cualificación) e dunha breve exposición oral (20%) da cualificación.

2ª Edición de actas.

O alumnado que non cumpra os requisitos da avaliación continua ou non se presente á mesma, poderá realizar un único examen na convocatoria de xullo, na data estipulada oficialmente. Este exame terá unha parte teórica (50% da nota) e outra práctica que consistirá en tres probas escritas (30% da cualificación) e unha breve exposición oral (20 %).