O alumno debe escoller a principio de curso o sistema de avaliación continua ou o sistema de avaliación única. Recoméndase, en todo caso, o primeiro deles.

Na avaliación continua a condición para ser avaliado será a asistencia a un 80% das aulas. Se algún alumno non pode cumprir este requisito terá que falar coa profesora nun prazo de dúas semanas e xustificar a súa ausencia. Neste caso (non cumprir o requisito de asistencia) a avaliación será única mediante un exame ó final do cuadrimestre no que a cualificación suporá o 100% da nota final. Esta proba consiste no desenvolvemento dun tema e contestar a varias preguntas relacionadas co temario

Na segunda edición das actas (xullo) a avaliación será mediante un exame final no que a cualificación suporá o 100% da nota final. Esta proba consiste no desenvolvemento dun tema e contestar a varias preguntas relacionadas co temario.

Non se admitirán os traballos fóra do prazo indicado pola profesora e non se tolerará o plaxio das actividades baixo ningunha circunstancia, moi especialmente a copia directa de internet e, especialmente, de wikipedia.