Avaliación

Probas de avaliación

1. Informe da persoa titora externa (0-10 puntos)

A persoa titora do centro de prácticas emitirá un informe no que se valorará o desenvolvemento das prácticas realizadas polo alumnado. Para a súa elaboración teranse en conta, entre outros, os seguintes aspectos:

• Cumprimento do horario e das datas establecidas.
• Grao de implicación e responsabilidade durante as prácticas.
• Desempeño das tarefas encomendadas.
• Valoración global da práctica docente desenvolvida.
• Informe razoado da persoa titora, acompañado da folla de sinaturas acreditativa das horas de asistencia ao centro.

2. Memoria de prácticas (0-10 puntos)

A memoria será avaliada pola persoa titora da Universidade e deberá axustarse ás indicacións establecidas na Guía de Prácticas Externas.

Criterios de avaliación da memoria de prácticas

Na avaliación da memoria valorarase que o alumnado:

• Axuste a memoria á estrutura e ao esquema establecidos na Guía de Prácticas.
• Sexa quen de planificar o proceso de ensino-aprendizaxe das materias correspondentes á súa especialidade.
• Sexa quen de deseñar e aplicar procedementos de avaliación adecuados ás materias da súa especialidade.
• Demostre habilidades sociais e comunicativas, así como un adecuado dominio da expresión oral e escrita, favorecendo un clima positivo de aprendizaxe.
• Reflexione de maneira crítica sobre a práctica docente desenvolvida e formule propostas de mellora fundamentadas.

Así mesmo, valoraranse os seguintes aspectos:

• Claridade expositiva.
• Estrutura e organización.
• Calidade dos contidos.
• Xustificación e argumentación.
• Competencias docentes e discentes desenvolvidas.

Cualificación final

A cualificación final da materia calcularase mediante a media aritmética das cualificacións obtidas nos dous elementos de avaliación:

• Informe da persoa titora externa.
• Memoria de prácticas avaliada pola persoa titora da Universidade.