O proceso acelerado de globalización do sistema económico mundial está orixinando importantes consecuencias para a actividade das empresas, que se ven obrigadas cada vez máis a actuar en mercados internacionais. Por iso, é preciso estudar e coñecer os factores que conducen a esa globalización e sobre todo as estratexias máis adecuadas para facer fronte a tales situacións. Entender e elixir a estratexia de entrada nos mercados exteriores, coñecer a localización das actividades da cadea de valor, ver as estratexias de comercialización dos produtos ou servizos e analizar a xestión da distancia cultural entre países son algúns dos obxectivos desta materia.