Esta é unha Materia do programa English Friendly e Portugués amigable. Os/ as estudantes internacionais poderán solicitar ao profesorado: a) materiais e referencias bibliografías para o seguimento da materia en inglés e portugués, b) atender as titorías en inglés e portugués, c) probas e avaliacións en inglés e portugués.
Descrición do programa: As materias English Friendly e Portugués amigable son materias de graos e mestrados oficiais da Universidade de Vigo que se imparten en castelán/galego, pero nas que o profesorado adquire os seguintes compromisos: Indicar o carácter English Friendly e Portugués amigable da materia na guía docente, segundo o procedemento indicado pola Vicerreitoría; Traducir a guía docente da materia ao inglés e portugués durante o período de edición das guías docentes, prestando especial atención a descrición xeral, contidos e avaliación; Facilitar os materiais e as referencias bibliográficas para o seguimento da materia en inglés e portugués, no caso de que así o precisase o estudantado internacional; Atender as titorías en inglés, se así o precisase o estudantado internacional; Deseñar e implementar as probas e as avaliacións en inglés e portugués, se así o precisase o/a estudante internacional; Sempre que sexa posible, as presentacións PPT ou noutro formato, subiranse ao espazo MOOVI en dúas versións (inglés/portugués e español/galego); As prácticas/exercicios/casos de estudo ofreceranse tanto en inglés e portugués coma en español/galego, sempre que sexa posible.
