O sistema de avaliación continua é o preferente, segundo as indicacións
da Universidade, e implica atender as clases de docencia teórica e as
prácticas coas súas respectivas probas, que deben ser superadas. O alumnado pode pode comunicar ao profesor a súa renuncia á avaliación continua ata o 15 de outubro e optar dese modo á avaliación global

Avaliación continua:

Nas clases prácticas realizaranse probas e/o traballos, consistentes na revisión, comprensión e exposición dunha obra de referencia sobre economía política por parte de cada alumno, que computará un 40% da nota final da materia. Ademais, haberá dúas probas parciais que suporán cada unha delas o 30% da nota final. É necesario superar tanto a parte práctica como a teórica para superar a materia.

O profesor asignará a cada alumno/a a tarefa que desenvolverá ao longo do curso nas clases prácticas (indicándolle a obra de referencia que lle corresponde a cada alumno/a).

Avaliación global: 

Alternativamente ao sistema de avaliación continua, o/a estudante poderá optar a ser avaliado/a cunha proba de avaliación global que supoñerá o 100% da cualificación.

Estes criterios de avaliación manteranse para todas as convocatorias do curso académico.

Na convocatoria de fin de carreira, o exame supoñerá o 100% da cualificación.

Os horarios de titoría figurarán no Moovi da materia. As solicitudes cursaranse por correo electrónico.

As datas de exames deberán ser consultadas na páxina web da Facultade: http://fccee.uvigo.es/