Esta materia centrarase nunha das metodoloxías empíricas de estudo da tradución e da interpretación que máis se está a desenvolver na actualidade: o uso de corpus textuais de traducións e orixinais para rastrexar, identificar, describir e clasificar distintos fenómenos de tradución.
Malia centrarse a exposición en análises de tradución escrita, e concretamente en cuestións relacionadas coa Estilística Comparada, a metodoloxía é aplicable ó estudo doutro tipo de fenómenos, tanto de tradución como de interpretación.
Esta materia incorpora a perspectiva de xénero nos seus contidos, metodoloxía e avaliación.
Todo o alumnado contará, como non pode ser doutro xeito, co meu asesoramento constante, tanto durante a docencia presencial como durante o período de traballo autónomo, xa sexa por medio do correo electrónico (alugris@uvigo.gal), do despacho virtual nº 98 do Campus remoto da Uvigo ou persoalmente no meu despacho C35 da Facultade de Filoloxía e tradución. Podédesme atopar tamén en skype, twitter ou FaceBook como alugris e en Google Talk como alugris@gmail.com.
Materia do programa English Friendly. Os/ as estudantes internacionais poderán solicitar ao profesorado: a) materiais e referencias bibliografías para o seguimento da materia en inglés, b) atender as titorías en inglés, c) probas e avaliacións en inglés.
Materia do programa Português amigável, Français amical e/ou
Italiano amichevole. Os/ as estudantes internacionais poderán solicitar ao
profesorado: a) materiais e referencias bibliografías para o seguimento da
materia na(s) lingua(s) estranxeira(s), b) atender as titorías na(s) lingua(s)
estranxeira(s), c) probas e avaliacións en lingua estranxeira.
