O curriculum é o eixo sobre o que se desenvolve o labor educativo, tanto nos seus aspectos concetuais (concecións, compoñentes, niveis, etc.) como nos procedimentais (procesos de deseño, posta en práctica, avaliación, etc.), de aí que figure como de formación básica unha materia que aborde a citada temática.
A materia adecúase ao perfil profesional e académico da titulación nos seguintes aspectos:
(a) En relación coa temática referida ao currículo
- En termos xerais, asesoramento grupal e individual sobre calquera aspecto relacionado co ámbito curricular
- Especificamente, o relacionado co deseño e avaliación de programas educativos, de unidades didácticas, de materiais e actividades, así como de documentos de centro.
(b) En relación coa temática referida á innovación educativa e investigación
- Deseño, aplicación e avaliación de prácticas educativas innovadoras
- Elaboración de informes utilizando diferentes formatos para divulgar innovacións educativas
- Relación entre a innovación educativa e a investigación centrada no cambio
- Utilización do sistema de referencias bibliográficas recomendadas pola APA
- Coñecemento dos conceptos e procesos curriculares, así como das diferentes correntes de pensamento curricular
En relación ós campos profesionais nos que se proxecta:
* Deseño e planificación educativa
* Asesoramento a programas de innovación educativa e curricular
* Asesoramento nos procesos de avaliación educativa e a sua implementación
* Elaboración, deseño e actualización de programas curriculares
* Deseño de materiais educativos e curriculares
* Formación de docentes en procesos de ensino-aprendizaxe
* Asesoramento en plans formativos para organizacións e empresas
En virtude da aprobación dos Proxectos de Innovación Docente en Centros da Universidade De Vigo donde están involucradas 5 materias dos títulos de Educación Infantil e Educación Primaria e alumnado de diferentes cursos esta materia pretende una planificación interdisciplinar que permita ó alumnado experimentar un cambio metodolóxico que lles facilite una aprendizaxe por competencias para adaptarse a unha sociedade en constante cambio.
O obxectivo deste proxecto é: Analizar a posibilidade de establecer unha estrutura curricular específica no currículo do profesorado de educación infantil e primaria mediante unha experiencia piloto que permita establecer a viabilidade da nova planificación educativa vinculando o deseño do currículo nas distintas disciplinas. Esta estrutura trata de converter o proceso de ensino nunha aprendizaxe funcional, de tal xeito que o futuro docente traballe cunha metodoloxía interdisciplinar que despois deberá aplicarse na aula.
