AVALIACIÓN CONTINUA: O proceso de avaliación continua a aplicar é o descrito na táboa anterior.

AVALIACIÓN GLOBAL: Para aqueles/as estudantes que opten pola avaliación global se aplicarán os seguintes sistemas, criterios e porcentaxes de avaliación:

- Presentación dun traballo práctico sobre contidos desenvolvidos na materia – 40%

- Proba escrita: Análise e comentario dunha obra de referencia exposta no momento da realización da proba. Se valorará a axeitada valoración no ámbito artístico da obra proposta, así como a súa relación co seus aspectos formais. – 60 %

2ª OPORTUNIDADE DE AVALIACIÓN (xullo)

AVALIACIÓN CONTINUA:

O alumnado deberá presentar o mesmo número de proxectos, segundo os mesmos parámetros que se transmitiron no transcurso da materia. Deberán basearse no mesmo tipo de contido temático, obxectivos a alcanzar e metodoloxía de desenvolvemento, estipulada durante a impartición docente da materia.

Os tres proxectos serán realizados de novo e entregados de forma obrigatoriamente individual, por cada alumno/a, independentemente de que durante a impartición da materia, no 1ª Cuadrimestre e até a convocatoria (xaneiro), algún deles fose realizado en grupo. É dicir, deberán consistir nunha realización absolutamente distinta da realizada e entregada na 1ª Convocatoria (xaneiro). 

Non se poderá, por tanto, volver entregar ningún traballo xa avaliado (tanto positiva como negativamente) na 1ª Convocatoria (Xaneiro), sendo obrigatorio volver realizar de novo todos os traballos requiridos agora para a convocatoria de xullo.

Estes traballos deberán realizarse, até a data da convocatoria de xullo, baixo o seguimento dalgún ou de todos os docentes da materia e, por tanto, os profesores/as deberán coñecer o proceso de realización destes traballos e saber que serán presentados como resultado para avaliar na convocatoria de xullo. Para isto, o alumnado deberá manter contacto, nos horarios de tutorías que se estipulen, cos profesores/as implicados. 

AVALIACIÓN GLOBAL: Para aqueles/as estudantes que opten pola avaliación global se aplicarán o mesmo deseño de probas da primeira oportunidade de avaliación