A materia de Química Física constitúe unha ferramenta fundamental á hora de comprender os procesos fisicoquímicos que determinan as transformacións, conservación e calidade dos produtos alimentarios. Ao longo da materia estudaranse conceptos de termodinámica, disolucións, equilibrio químico, cinética química, factores determinantes da velocidade de reacción e estrutura e propiedades das macromoléculas. Todo iso dotará ao alumnado unha base que lle permitirá interpretar diversos fenómenos como a dinámica das reaccións, os cambios de fase, a estabilidade dos alimentos etc.
