| Descripción general |
(*)Consideramos esta materia como relevante no plano de estudos do Grao de Traballo Social. A Pedagoxía Social no marco desta titulación achega aos estudantes ao coñecemento da realidade educativa e dos procesos de intervención socioeducativa. Neste sentido, proporciona elementos para comprender a interrelación entre os diferentes campos de intervención na realidade social e as implicacións educativas da problemática social. A materia i “Pedagoxía Social para Traballo Social” está incluída como optativa no novo Plan de estudos da titulación de Grao en Traballo Social da Universidade de Vigo. Se atendemos aos antecedentes históricos do Traballo Social, a incorporación
da perspectiva pedagóxica á acción social e a acción-intervención socioeducativa dos
traballadores sociais comeza a xeneralizarse xa a partires da Segunda Guerra Mundial e
da extensión cualitativa dos fenómenos educativos. A educación deixa de ser
competencia exclusiva do sistema escolar formal para situarse na perspectiva da
sociedade educadora (Husèn,1982), donde acadan gran relevancia e notoriedade outros
sistemas educativos (non formal e informal) que irrumpen con gran forza no sistema
educativo formal, o reforzan e complementan (Coombs e Ahmed, 1974).
Ao longo das últimas décadas, a literatura pedagóxica especializada (Freire, 1971;
Quintana, 1984, 1994; Bueno Abad, 1991; Sáez, 1991, García Martínez 1992; Ortega,
1991, 1999; Fermoso, 1994; Petrus, 1997; Caride, 2005) foi deixando constancia da
xeneralización do enfoque educativo do traballo social. Na nosa opinión o obxectivo fundamental dos profesionais do traballo social no ámbito ducativo consiste na promoción do desenvolvemento humano e da calidade de vida dos nenos e nenas, xoves e doutros colectivos en situación de risco ou problemática social;
posibilitando a súa integración (ou reinserción) plena na sociedade. Así pois, A materia “Pedagoxía Social para Traballo Social"" adecúase ao perfil profesional e académico da titulación; pretendendo non só introducir os conceptos básicos da asignatura senón achegar ao alumnado aos principais ámbitos de intervención socioeducativa. |
