Guia docente 2014_15 Facultade de Ciencias da Educación e do Deporte

Avaliación

	Descrición	Cualificación
Traballos tutelados	Esta metodoloxía está pensada para poñer en práctica os coñecementos adquiridos e activar as capacidades que permiten acadar competencias de aplicación á realidade. O traballo será guiado, avaliado en proceso, e avaliado ao final. A base sobre a que se aplican os criterios será a participación nas sesións de introdución e de seguemento e a memoria onde se recolle o realizado.	20
Presentacións/exposicións	Neste apartado terase en conta a presentación pública dos traballos tutelados, así como a presentación e debate ou posta en común en aula dos exercizos e dos seminarios.	20
Resolución de problemas e/ou exercicios de forma autónoma	Esta metodoloxía está pensada para aquelas persoas que desexen afondar un pouco máis nos temas. No material preparado pola docente fanse suxestións que orientan ao alumnado para este fin, pudendo tamén o propio alumnado afondar en aspectos que non estean suxeridos pola docente. Este traballo pasará a formar parte do cartafol individual do alumnado.	10
Seminarios	Cada grupo C terá 8 sesións en seminario (horas C) ao longo do cuadrimestre. Para o seu desenvolvemento será preciso que o alumnado se documente previamente. Nas sesións de seminario cada participante intervirá presentando as conclusións ás que chegara, de modo que se comparta o coñecemento e que se debata en grupo. O traballo desenvolvido contará para a avaliación.	10
Probas de resposta curta	Durante o desenvolvemento do curso realizaranse 9 probas de coñecemento (unha por cada tema) de resposta curta sen apoio de apuntamentos nin material de consulta. Para a súa realización tomarase como base os exercicios propostos ao final de cada tema. Serán avaliadas de inmediato e devoltas ao alumnado para a súa comprobación e comentario en aula.	20
Cartafol/dossier	No cartafol irase plasmando o traballado realizado durante o curso: resolución de exercicios, pescudas, recensións, cometarios sibre vídeos e películas, tanto da parte teórica xeral como a correspondente ao seminario. Asemade, pódense incluír aspectos concretos relacionados co traballo de investigación tutelado de grupo. O cartafol poderase ir revisando na titoría ao longo do cuadrimestre por solicitude do alumnado ou da docente.	10
Probas de resposta longa, de desenvolvemento	A proba presencial de resposta longa (de desenvolvemento dun tema ou dun cometario de texto) ten caracter voluntario e marcará a diferenza entre o notable e o sobresaliente ou a MH. Terá lugar na data da proba final oficial. Disporase de dúas horas para a súa realización e poderanse consultar materiais como o cartafol ou outras lecturas de consulta. Nesta data oficial final participarán tamén as persoas que non acadaran unha avaliación contínua positiva ao longo do desenvolvemento do cuadrimestre pero cun tipo de proba que contemple unha mestura de preguntas curtas e longas. Tamén disporán de dúas horas para o seu desenvolvemento.	10

Outros comentarios sobre a Avaliación
Ningún traballo tutelado poderase dar por finalizado ata que non obteña a cualificación de apto. Na cualificación total representa un valor do 20%. O valor da exposición dos traballos e das exposicións orais en aula e seminarios representa o 20%. O valor das probas de resposta curta será tomado en conxunto, proporcionando até un 20% da cualificación final. O valor total do portfolio poderá supor o 30% da cualificación final. Comporán esta cualificación tres elementos: - o recompilado para os seminarios (valor xa determinado co 10 por cento no seu apartado) - o recompilado como traballo voluntario (valor xa determinado co 10 por cento no seu apartado) - o recompilado como exercicios de final dos temas que se realizan para a preparación das probas de resposta curta: o 10 por cento. Esta última porcentaxe é o que se computa aquí cun 10 Como se ve, a proposta de traballo permite desenvolver diversas estratexias de aprendizaxe poñendo especial atención no traballo autónomo. En consecuencia ofrécense multitude de materiais, ligazóns e documentos. O tipo de materia require facer máis fincapé nos aspectos reflexivos, polo que na segunda convocatoria teranse en conta os mesmos criterios. Haberá que facer unha proba mixta oral e escrita para poder avaliar todos os requirimentos metodolóxicos que se mencionan neste apartado 7. As partes superadas xa durante a avaliación continua que formaron parte da cualificación en convocatoria ordinaria gardaranse para a segunda convocatoria.