• Descrición: este é un tempo reservado para atender e resolver dúbidas do alumnado.
Durante este curso cada alumna/o deberá dedicar 3 horas a esta actividade.
• Obxectivos:
o Atención, seguimento e orientación do alumnado.
o Intercambiar información, perspectivas e coñecementos.
o Favorecer o feedback entre as persoas que compoñen o curso: entre o propio alumnado e entre docente e alumnado sobre os contidos e tarefas desenvolvidas na materia.
o Seguimento da comprensión de conceptos e contidos así como resolución de dúbidas.
o Asesoramento na procura de información.
• Modalidade: guiada.
• Natureza:teórica e práctica.
• Escenario: despacho 113, aulas C ou B
• Grupos: reducido (entre 4 e 9).
• Tarefas do alumnado: identificar as dúbidas e problemas de comprensión e formulalas, se pode ser, con posibilidades de resolución.
Traballos tutelados
• Descrición: actividades que realiza o alumnado, algúns exemplos poden ser:
-Recensións sobre artigos científicos de actualidade.
-Traballos monográficos
-Procura de información en publicacións, bases de datos, artigos, libros… sobre un tema en concreto.
-Proxectos: deseño e desenvolvemento dun traballo de investigación que inclúa parte ou todas as actividades precedentes.
Quen se encargue da docencia acoutará e aceptará os temas de estudo propostos polo alumnado. Realizará o seguimento do traballo e avaliará o proceso e o resultado final.
• O obxectivo é adquirir e consolidar coñecementos e formar parte fundamental do traballo que se avalia.
• Modalidade: autónoma.
• Natureza: práctica.
• Escenario: non hai prescrición.
Realizarase en grupo reducido (3-4 compoñentes).
O alumnado realizará o traballo a partir do guión proporcionado pola/o docente, dispoñendo das sesións de prácticas (horas B) e das sesións de titoría para facilitar o seguimento do seu traballo.
Presentacións/exposicións
• Descrición: todos os traballos tutelados nas sesións prácticas deben ser presentados en público a todo o grupo en sesións habilitadas a tal efecto ao final do cuadrimestre, nas dúas semanas lectivas do mes de xaneiro. Teráse en conta a habilidade para comunicar e a capacidade de captar a atención do público así como a capacidade de síntese e os recursos empregados.
Tamén se poden expoñer, pero non é obrigatorio, outros traballos que se vaian realizando de forma voluntaria polo alumnado.
Estas exposicións consistirán en presentar un tema concreto ou un traballo (previa presentación escrita na que se avaliará o contido).
Trátase dunha metodoloxía que traballa unha competencia nuclear e transversal cuxo obxectivo é aprender a comunicar.
Os traballos expoñeranse en grupo -os que se realicen en grupo- ou individualmente os que se fagan desa forma con carácter voluntario.
As presentacións serán avaliadas en función dos criterios previamente establecidos, podendo incluso integrar a avaliación criterios e cualificacións incorporados polo alumnado.
• Modalidade:guiada.
• Natureza: práctica.
• Escenario: aula ordinaria que conta con recursos tecnolóxicos (canón de proxección, transparencias, conexión a Internet, vídeo ou DVD…)
• Grupo: grande, mediano ou reducido.
• Tarefas do alumnado:
o Expoñer o traballo publicamente.
o Defendelo, é dicir, debe responder ás preguntas e posibles críticas construtivas de colegas e docentes.
o Poderanse explicar na parte final da exposición os problemas e obstáculos xurdidos durante la elaboración do traballo.
Foros de discusión
• Descrición: esta é unha actividade, que se realizaría a través da plataforma virtual na que se poderán debater e intercambiar informacións e opinións de interese para o desenvolvemento teórico e práctico da materia, especialmete temas de actualidade ou de relevancia.
• Obxectivos:
o Abrir novas perspectivas e temas e traballar e consolidar coñecementos.
o Cuestionar(se) opinións persoais e posibles prexuízos.
o Desenvolver habilidades comunicativas.
• Modalidade: autónoma.
• Natureza: práctica.
• Escenario: non prescrito agás pola necesidade de conexión á rede.
• Grupos: individual ou reducido.
• Quen teña a cargo a docencia, ou incluso o alumnado, proporá un tema de debate ou de estudo, se é preciso nomearase alguén que dinamice ou modere o foro.
Resolución de problemas e/ou exercicios de forma autónoma
• Descrición: formulación, análise, resolución individual, e de proceder debate en grupo, dun exercicio relacionado coa temática da materia de forma autónoma por parte do alumnado.
• Obxectivo
o Reflexionar sobre as cuestións principais da materia e relacionar teoría e práctica.
o Introducir novos conceptos e integralos cos antigos.
o Consolidar coñecementos.
A docente proporá ao final de cada tema dos que compoñen a documentación básica de consulta e estudo unha batería de cuestións ou exercicios denominadas actividades de autoavaliación, a resolución destas actividades integrará o contido do cartafol xunto coa documentación elaborada para os seminarios e outros traballos voluntarios. A docente poderá revisar este material que formará parte da avaliación final.
• Modalidade: autónoma.
• Natureza: teórico-práctica.
• Escenario: non prescrito.
• Tarefas do alumnado:
o Resolver a cuestión ou exercicio proposto pola/o docente a partir da documentación facilitada.
o Aínda que as actividades se realizaren de forma autónoma, o alumnado disporá en todo momento de sesións de titoría para que a docente poida realizar o aompañamento e seguimento desta metodoloxía.
Prácticas autónomas a través de TIC
• Descrición: desenvolver con axuda das TIC prácticas de búsqueda de información, manexo de ferramentas básicas para deseñar táboas e gráficas, tratamento de datos e búsqueda de fontes estatisticas.
Desenvolveranse 2 sesións ao inicio do curso en horas B, as dúas primeiras semanas, e outras 2, tamén en horas B cando o desenvolvemento dos traballos o requira, é dicir. no momento en que se trate de buscar, procesar e presentar a información para os traballos. Aproximadamente terán lugar na 2ª, 3ª, e 4ª semana de novembro.
• Obxectivos:
o Facilitar a correlación entre a teoría e a práctica.
o Consolidar coñecementos.
o Utilizar programas ou recursos informáticos.
• Modalidade: guiada.
• Natureza: práctica.
• Escenario: aula de informática ou aula B e en grupo mediano.
• Que estea a cargo desta docencia deberá elaborar e proporcionar un guión para orientar a realización do traballo e das actividades concretas en cada caso, asemade deberá facer o seguimento da evolución da actividade do alumnado.
• Tarefas do alumnado: realizar a actividade proposta en tempo e forma.
Seminarios
• Descrición: trátase dun tipo de metodoloxía que combina o traballo autónomo co guiado de aula. Pretende profundar e ampliar o contido xeral da materia pero a través dun tema específico tratado no programa xeral da materia. O tema escollido é: Socialización, educación e xénero
Terán lugar 8 sesións de unha hora en pequeno grupo (sesións de horas C) en semanas alternas co fin de dar tempo a preparar lecturas de textos e procuras de información etc..
• Obxectivo: adquirir, comunicar e consolidar coñecementos teórico-prácticos e fomentar a interactividade entre a docente e o alumnado.
• Modalidade: guiada.
• Natureza: práctica.
• Escenario: aula ordinaria con recursos tecnolóxicos.
• Grupos: reducido
• Tarefas do alumnado: procura, traballo de documentación, lectura e análise, para achegalo ás demais persoas participantes no seminario.
Actividades introdutorias
• Descrición:
Esta actividade realizarase na primeira sesión en gran grupo e terá unha duración de 2 horas.
Está encamiñada a tomar contacto e a dar e recoller información sobre a materia e sobre o alumnado (coñecementos previos, intereses e motivacións).
Presentarase unha curtametraxe que o alumnado terá que analizar en chuvia de ideas e despois sobre un guión proposto pola docente, quen preguntará sobre ideas e conceptos para coñecer o grao de afinidade e comprensión na materia.
TAsemade presentarase un exercicio práctico no que o alumnado terá que responder oralmete a unhas preguntas.
Na última media hora farase a presentación da específica do curso: obxectivos, contidos, metodoloxía, avaliación, etc.
• Obxectivo: comunicar amigablemente que se pretende atinxir con este curso e de forma somera coa materia de Socioloxía. aclarar no posible a finalidade da mesma e o seu interese.
• Modalidade: guiada.
• Natureza: teórica.
• Escenario: aula ordinaria.
• Grupo: grande.
• Tarefas do alumnado: participar activamente nas actividades.
Estudos/actividades previos
• Descrición: sempre antes de cada sesión presencial maxistral (horas A) ou do desenvolvemento de traballo práctico (horas B) ou seminarios (horas C) o alumnado realizará as actividades previstas como previas.
O alumnado deberá procurar, ler e traballar a documentación ou o material proposto e facilitado pola/o docente.
o Pode ser para unha actividade teórica - procura de iinformación, análise e organización de documentación- ou a realización dunha tarefa que haxa de ser resolta con traballo práctico.
• Obxectivo: aprender e asistir ás aulas cun mínimo de coñecementos da materia que permita avanzar a bo ritmo e compartir coñecementos para facilitar o debate en sesión maxistral, seminario ou práctica.
Quen se encargue da docencia poñerá a disposición do alumnado o material de lectura ou as indicacións para obtelo.
• Modalidade: autónoma.
• Natureza: práctica.
• Escenario: Non prescrito.
• Realizarase en grupo reducido ou de forma individual.
• Tarefas do alumnado:
o Procurar a documentación (bibliográfica, bases de datos, Internet, etc.)
o Ler a documentación facilitada polo/a docente ou obtida de forma autónoma.
Sesión maxistral
Exposición, explicación e aclaracións do contido da materia:
Relacionar coa sesión anterior
Resaltar as ideas principais
Explicacións ordenadas e estruturadas
Exemplos (de actualidade, reais, etc.)
Relacionar os novos conceptos Asegurar a comprensión do contido empregando a exposición teórica ou a discusión e debate.
• Obxectivo: abrir portas a novos coñecementos
• Modalidade: Guiada, a presenza de docente é necesaria.
• Natureza: Teórica.
• Escenario: Aula ordinaria A (na que se desenvolven habitualmente as aulas).
Recursos tecnolóxicos (proxector, conexión a Internet, vídeo ou dvd…).
• Grupos: grande.
• Tarefas do alumnado: participar activamente na sesión (tomar notas, tomar a palabra, contestar preguntas…).
Resolución de problemas e/ou exercicios
• Descrición: formulación, análise, resolución e debate de exercicios relacionados coa temática da materia.
A docente propón, ao final de cada tema, por escrito e de forma organizada unha batería de exercicios e actividades.
A documentación de consulta e lectura estará a disposición do alumnado e conforma a guía de orientación e análise, centra os puntos de interese, de ampliación ou de complexidade para a posterior discusión e posta en común na aula.
En hora A realizarase un exercicio escrito por cada tema que será recollido pola docente na aula para incorporase a avaliación.
En todas as sesións maxistrais a docente preguntará pola realización dos exercicios de autoavaliación, polas dificultades e dúbidas atopadas e recollerá os comentarios e achegas do alumnado comentados en público. Resolveránse na aula cantas dubidas se presenten deste xeito.
• Obxectivo: Reflexionar e relacionar teoría e práctica e proporcionar feedback ao alumnado sobre o proceso de aprendizaxe. Realmente é unha peza metodolóxica integrada, que permite aprender, consolidar, ampliar, autoavaliar e avaliar, e comunicar na aula.
• Modalidade: guiada.
• Natureza: práctica.
• Escenario: aula ordinaria con recursos tecnolóxicos.
• Grupo: grande.
• Tarefas do alumnado: o alumnado deberá resolver os exercizos propostos a partir do material de estudo facilitado pola docente. Posteriormente terá lugar unha posta en común.
Universidade de Vigo
|
Reitoría |
Campus Universitario |
C.P. 36.310 Vigo (Pontevedra) |
España |
Tlf: +34 986 812 000
