Avaliación  

A avaliación do prácticum deberá verificar a capacidade efectiva de desenvolver tarefas concretas da actividade profesional, así como a adquisición das destrezas e aptitudes correspondentes.
A avaliación terá carácter continuado a través do seguimento do traballo titorizado, de seguimento e criterios de avaliación deste, que incluirá a valoración dos informes dos/as titores/as externos, as actividades de seguimento e supervisión dos/as titores/as académicos/as, así como a memoria final do alumnado. En todo caso, a nota final do alumnado virá dada nun 50% pola valoración emitida polos/as titores/as das entidades colaboradoras e o outro 50% será emitido polo/a titor/a académico, en función das actividades solicitadas nos Obradoiros (Dossier: 0-1 punto), nos Seminarios grupais (0-1 punto), na supervisión individual e a entrega da memoria final (0-3 puntos). Será requisito necesario o depósito dunha copia da memoria de prácticas na institución colaboradora en formato e data establecida pola coordinación. O titor académico da universidade será o responsable da síntese avaliativa. A cualificación final será numérica de 0 a 10 segundo a lexislación vixente. Para superar a materia será necesario aprobar por independente cada unha das metodoloxías de avaliación.

SEGUNDA CONVOCATORIA: Avaliaranse as competencias non superadas e adquiridas na convocatoria do primeiro semestre. Os horarios e datas da entrega final da memoria estarán publicados na web da Facultade e en Faitic.