CRITERIOS DE AVALIACIÓN:

Aplicaranse
dous sistemas de avaliación tomando como criterio diferencial a
asistencia ou non ás clases presenciais e ás titorías grupais, dado que a
planificación deste proceso de ensino-aprendizaxe esixe a presenza do
alumnado sobre todo en aquelas relacionadas coa adquisición de
competencias procedementais e actitudinais, o que implica facer un
seguimento das asistencias mediante controles. Quen sen notificalo teña
una asistencia por debaixo do 70% será considerado a tódolos efectos
como non asistente, salvo causa debidamente xustificada.

Nota: o exame oficial do 2º Período(Cuatrimestre) é o 20 de maio ás 16 h. Revisión o 9 de xuño.

1) Modalidade asistencial: A nota final virá dada pola suma das puntuacións
obtidas nos distintos apartados especificados no cadro superior, sendo
preciso ter superados cada un deles ailladamente.

2) Modalidade non asistencial: A avaliación e a superación da materia virá
determinada polo exame final teórico-práctico (50% da nota final, sendo
necesario obter como mínimo 2.5 puntos dos 5 que integran este
apartado) e pola realización dun traballo tutelado polo profesor que
haberá que presentar na data de exame da convocatoria oficial, previa a
súa exposición (50% restante da nota, sendo preciso acadar como mínimo
2.5 puntos do total dos 5 que se poden obter neste apartado). A nota
final virá dada pola suma das puntuacións obtidas nos dous apartados,
sendo preciso superar cada un deles ailladamente.

SEGUNDA CONVOCATORIA:

As
competencias non superadas, derivadas da totalidade e/ou de parte das
probas/actividades obxecto de avaliación, poderán ser recuperadas na
convocatoria de xullo, gardándose a nota da parte superada, tanto na
modalidade asistencial como na non presencial.

Nota: o exame oficial do 2º Período(cuatrimestre) é o 20 de maio, ás 16 h. Revisión, o 6 de xuño, ás 10 h.

Convocatoria de xullo: exame o día 10, ás 16 h. Revisión o 16 de xullo ás 10 h.