Probas-exames Como pode verse, trátase dun sistema de
avaliación continua no que se fai unha proba-exame que terá un peso do
45% da cualificación final. Ao respecto compre precisar que constará de
duas partes, que no seu conxunto deberán responder ás competencis da materia, e son: a) Proba obxectiva (30 items de 3 alternativas) b) Preguntas abertas (a elexir 3 de 5 que se propoñan) A
cualificación da proba obxectiva farase mediante a aplicación da
fórmula: P=NA - (NE:Na-1), donde: P = puntuación; NA = número de
acertos; NE = número de erros; Na = número de alternativas A
puntuación da proba de respostas abertas farase conforme aos seguintes
criterios: I) Estructura correcta da resposta en función das
competencias que se avalían; II) Pertinencia de citas e datos; III)
Precisión na resposta contemplando as relacións conceptuais necesarias;
IV) Aportacións propias e orixinalidade; V) Aportacións claras en
relación co "saber facer" vencellado á pregunta que se formula. Para aprobar a asignatura esíxese superar a proba-exame da mesma (acadar 5 puntos), xa que iso supón ter adquiridos os mínimos competenciais esixibles na materia. A avaliación do estudo de casos e resolución de problemas farase a partir das actividades realizadas nas clases que o profesor recollerá e avaliará de forma continuada tomando as competencias da materia como criterio fundamental. Os traballos e proxectos defenderanse en exposición pública na clase e avaliaranse tendo en conta: os datos correspondentes ao seguimento (son tutelados), traballo escrito que se entrega e calidade da exposición realizada. Os principais criterios constitúeno as competencias da materia. Probas-exame (datas): A proba de exame será o día 22 de decembro ás 16 horas A revisión de cualificacións está prevista para o día 29 de xaneiro A correspondente á 2ª convocatoria (xullo) áchase prevista para o día 1 de xullo ás 10 horas e a revisión o 17 dese mesmo mes
2ª convocatoria (xullo):
A proba-exame de xullo, cunha estructura análoga á de xaneiro, haberá de
facela o alumnado que non consiga o aprobado na asignatura na convocatoria
ordinaria. Incluirá aqueles aspectos que haxan de valorarse por considerarse
indicadores das competencias da materia, sobre todo no caso das persoas que,
por razóns debidamente xustificadas, teñan máis dun 20% de ausencias a clase ou
que, aínda con porcentaxe inferior de ausencias, non entregasen nos prazos
oportunos os traballos que permitan avaliar o logro de competencias propias da
materia a partir da participación activa na clase. Quen aprobe esta proba
enténdese que superou os mínimos competenciais esixibles para superar a
materia. Convén, pois, que a preparación da proba polo alumnado estea tutelada
polo profesor. |