Prácticas de laboratorio |
Unha materia experimental como a Fisiología require a realización de prácticas de laboratorio para mostrar moitos dos mecanismos e conceptos que se explican na materia teórica. Os alumnos deben aprender o manexo do material de laboratorio, incluído animais de experimentación, aprender o fundamento das técnicas empregadas en experimentación fisiológica, adquirir habilidades e destreza manual, interpretar resultados, etc.
A utilización de animais en prácticas docentes está permitida e lexislada pola Unión Europea, con todo, téndese cada vez máis á procura de métodos alternativos que reduzan o excesivo sacrificio ou manipulación de animais de experimentación. Un dos métodos alternativos é a utilización de programas informáticos que simulan procesos fisiológicos. Neste primeiro contacto dos alumnos coa materia de Fisiología, as prácticas que realizarán serán na súa maioría, simulacións de procesos fisiológicos.
As prácticas realizaranse en grupos como máximo de 20 alumnos. O lugar de realización será a aula de informática da Facultade de Bioloxía (practicas de simulación de procesos fisiológicos con programas informáticos). Unha das catro prácticas será con mostras biolóxicas e realizarase no laboratorio de practicas de Fisiología Animal (Bloque A 2ª Planta). Cada grupo terá 4 sesións de prácticas de 3 horas de duración , en sesións de mañá ou de tarde segundo o grupo (ver o calendario).
A temática a desenvolver será a seguinte:
Ensaios do potencial de membrana e potencial de acción.
Permeabilidade celular: Difusión pasiva, difusión activa, ósmosis.
Ensaios de contración muscular.
Función endocrina: efectos de hormonas tiroideas sobre o metabolismo basal.
Osmolaridade e tonicidade con sangue de rata (laboratorio). |