AVALIACIÓN CONTINUA
Para superar a materia os estudantes deberán realizar as seguintes actividades:
traballo, proxecto, presentación, exame, e alcanzar unha nota mínima de 5
puntos sobre 10. Non obstante, poderase compensar as distintas actividades si
se alcanza unha nota mínima de 4/10 puntos nelas. No caso de non alcanzar a
nota mínima no apartado de Proxecto (4/10) ou na proba de preguntas obxectivas
(4/10), esa será a que figure na cualificación final da materia (non se
terán en conta o resto de apartados). Durante as clases teóricas, realizaranse de forma aleatoria catro controis
de asistencia. Cada control terá un valor de 0.125 puntos que repercutirá na
nota final da materia. Exame Para poder realizar o exame teórico é necesario asistir as sesións de
prácticas. A non asistencia a unha práctica por razóns xustificadas debe
documentarse nas 24 horas posteriores ao final da práctica. Proxecto Constitúe a memoria final do proxecto realizado ao longo das sesións
prácticas. Avalíase a calidade do proxecto presentado, a orixinalidade e a súa
utilidade e posible aplicación práctica. Ademais, tamén se terán en conta: - A inclusión de aspectos cualitativos do rigor científico, referencias
bibliográficas e uso da terminoloxía científica. -
Aparencia formal da memoria: organización, formato e estilo de redacción, inclusión
de logotipos, así como os erros ortográficos, gramaticais, ou de puntuación,
malas expresións, etc. Traballo Avalía o traballo
desenvolvido polo estudante na aula durante as sesións prácticas o que quedará
plasmado nun entregable que debe subir á plataforma Moovi ao finalizar cada
sesión de prácticas. A fin de poder completar e mellorar cada apartado do
proxecto realizado ao longo das prácticas, valorarase o feito de subir a Moovi
unha mellora do traballo realizado na práctica (completar información, aspectos
de organización e formato etc.), nos prazos asignados para o efecto. Por outra
banda, tamén se valorará a participación e interese mostrado polo estudante na
aula durante as prácticas. Presentación Avalía se a presentación recolle as ideas clave do proxecto, se é capaz de
trasladar a terceiras persoas unha idea clara do proxecto e se mostra soltura á
hora de expoñer. SEGUNDA OPORTUNIDADE
Na segunda oportunidade o estudante poderá recuperar as seguintes
actividades da materia: proxecto, presentación e proba de preguntas obxectivas.
A parte de traballo non é recuperable e polo tanto ten que superala durante o
período de clases do curso. No caso do Proxecto, se non se superou na primeira oportunidade o estudante
poderá corrixir e completar as partes correspondentes, ou mesmo repetilo enteiro,
se fose necesario. AVALIACIÓN GLOBAL
Os estudantes poderán solicitar unha avaliación global, segundo as datas e
o procedemento que fixe o centro, e conlevará a renuncia á avaliación continua.
A avaliación global permitirá obter o 100% da puntuación da materia mediante
unha proba na data oficial fixada para o exame final da materia, tanto na primeira
coma na segunda oportunidade. A proba incluirá un exame de preguntas obxectivas e a presentación escrita
e oral do Proxecto. Calendarios académicos e de exames O calendario académico pódese consultar en: http://bioloxia.uvigo.es/es/docencia/horarios O calendario de exames pódese consultar en: http://bioloxia.uvigo.es/es/docencia/examenes Aspectos éticos Perseguirase o plaxio nos
traballos e o uso non xustificado de programas de intelixencia artificial.
Copiar doutros estudantes durante as probas de avaliación tamén pode ser motivo
de redución da nota e de obter un suspenso na materia. |