Cunha orientación práctica e centrada no uso da lingua, esta materia ten como obxectivo a consolidación das destrezas lingüísticas e comunicativas en grado de usuario competente en lingua inglesa, prestando especial atención á aprendizaxe de gramática e vocabulario (Use of English: Grammar and Vocabulary) e ás destrezas de comprensión oral (Listening) e produción de discurso oral (Speaking).
Os materiais teóricos e prácticos seguirán o nivel de usuario competente B2+ e o nivel avanzado C1 segundo os estándares do Marco Común Europeo de Referencia para as Linguas. Ao superar a materia, o estudantado acadará e consolidará un nivel B2+ segundo o Marco Común Europeo de Referencia para as Linguas.
