A materia introduce os conceptos e técnicas básicas asociadas ao procesamento da linguaxe natural, punto de partida para o deseño de contornos de explotación de información e de diálogo baseados na linguaxe humana, tanto a nivel léxico como sintáctico e semántico. O obxectivo é introducir ao alumno na complexidade inherente á análise deste tipo de linguaxes, fundamentalmente asociada á ambigüidade e dependencias contextuais que presentan, e no deseño de estruturas de datos e algoritmos que permitan o seu tratamento práctico.
Non se usará inglés na clase, aínda que algunhas das fontes bibliográficas están nese idioma.
