Esta materia impártese no primeiro semestre do cuarto curso. Trata de proporcionar ao alumno coñecementos mínimos necesarios sobre conceptos fundamentais que permitan a resolución de problemas no ámbito dos sistemas intelixentes mediante o emprego de axentes software intelixentes que traballen conxuntamente (colaborando ou competindo) na satisfacción dos obxectivos asignados.
Na impartición do contido empregarase de maneira indistinta tanto o idioma español como o galego; en canto ao idioma inglés, empregarase tanto en materiais audiovisuais, como escritos; e empregarase o inglés como lingua auxiliar para aqueles alumnos Erasmus que poidan matricularse na materia e presenten dificultades para comprender tanto o español como o galego.
Materia do programa English Friendly. Os/ as estudantes internacionais poderán solicitar ao profesorado:
a) materiais e referencias bibliografías para o seguimento da materia en inglés,
b) atender as titorías en inglés,
c) probas e avaliacións en inglés.
