As datas oficiais dos exames poden consultarse na web da facultade no espazo "datas exames" Os estudantes que sigan a avaliación continua deberán asistir e participar de forma activa cando menos ao 80% das sesións. É preciso acadar o 50% da puntuación en cada parte da materia para poder superar a mesma. Os estudantes que sigan a avaliación global (estudantes que non seguen a avaliación continua) deben realizar na data oficial, un exame no que se avaliarán todos os contidos teóricos e prácticos da materia. O exame consistirá na resolución dun caso práctico ou preguntas curtas sobre dificultades de aprendizaxe ou trastornos do desenvolvemento, completando os apartados establecidos. O alumnado que vaia seguir a avaliación global deberá contactar coa persoa coordinadora da materia para informar da súa situación durante o primeiro mes do cuadrimestre. Aquelas e aqueles estudantes que non superen a materia pola modalidade de avaliación continua ou suspendan na convocatoria anterior (maio), poderán avaliarse novamente na convocatoria de xullo, de acordo aos mesmos criterios establecidos na convocatoria anterior. As partes da materia superadas na 1ª oportunidade, non serán obxecto de avaliación na 2ª, considerándose aprobadas, por tanto, nese curso académico. En coherencia co carácter inclusivo que caracteriza a Facultade de
Educación e Traballo social, esta guía poderá ser adaptada para atender
ás necesidades específicas de apoio educativo que presente o alumnado
adscrito ao programa PIUNE (PAT) |