Educational guide 2025_26 Facultade de Química

Química analítica II: Métodos ópticos de análise

Contidos

Tema	Subtema
TEMA 1. Introdución aos métodos instrumentais de análise.	Clasificación dos métodos instrumentais de análise. Parámetros de calidade dun método de análise instrumental. Métodos de calibración en análise instrumental: calibración externa, adición estándar e patrón interno. Características das curvas de calibrado. Axuste por regresión e parámetros estatísticos das rectas de calibrado.
TEMA 2. Métodos ópticos de análise: xeneralidades.	Espectro electromagnético. Fenómenos de interacción entre a radiación electromagnética e a materia: absorción, emisión, fluorescencia, refracción, dispersión, difracción, polarización, etc. Clasificación dos métodos ópticos de análise: métodos espectroscópicos e non-espectroscópicos. Compoñentes instrumentais e configuracións representativas dos diferentes instrumentos. Sinais e ruído.
TEMA 3. Espectroscopia de absorción molecular UV-vis.	Fundamentos da absorción molecular UV-vis. Conceptos básicos. Lei de Beer. Desviacións da lei de Beer: propias á lei, químicas e instrumentais. Especies absorbentes: moléculas orgánicas con grupos cromóforos e auxocromos; elementos con electróns d e f; electróns de transferencia de carga. Tipos de instrumentos: feixe dobre, feixe simple, multicanal. Metodoloxía analítica e aplicacións: análise cuantitativa, pesos moleculares, estudo do equilibrio químico e cinética de reacción, constantes de ionización de ácidos e bases, estequiometría de complexos de coordinación, valoracións fotométricas.
TEMA 4. Espectroscopia de luminiscencia.	Fundamentos das técnicas luminiscentes. Mecanismos de desactivación molecular: diagrama de Jablonski. Rendemento cuantico de luminiscencia. Fotoluminiscencia: fluorescencia e fosforescencia. Factores que inflúen na fotoluminiscencia: contorna química e estrutura molecular. Espectrofluorímetro. Quimioluminiscencia e Bioluminiscencia. Luminómetro. Metodoloxía analítica e aplicacións.
TEMA 5. Espectroscopia Infravermella e Raman.	Fundamentos da espectroscopía infravermella. Modelo do oscilador armónico. Anarmonicidade. Modos normais de vibración moleculares. Exemplos de moléculas sinxelas. Espectroscopía de dispersión Raman. Polarizabilidade. Orixe dos espectros Raman (liñas Rayleigh, Stokes e anti-Stokes). Instrumentación. Aplicacións.
TEMA 6. Espectroscopia de absorción atómica.	Fundamentos da espectroscopia atómica (absorción, emisión e fluorescencia). Espectroscopia de absorción atómica. Tipos de atomizadores (chama, célula de cuarzo, tubo de grafito). Instrumentación. Aplicacións.
Tema 7. Espectroscopia de emisión atómica e espectrometría de masas atómicas.	Fundamentos da espectroscopia de emisión atómica. Fontes de excitación. Fotometría de chama. Espectrometría de emisión en plasma acoplado inductivamente. Formación dun plasma. Espectrometría de masas con plasma acoplado inductivamente. Deseño da interfase. Instrumentación. Aplicacións.