O alumnado poderá elixir ser avaliado mediante o sistema de avaliación continua (AC), ou alternativamente optar por unha proba de Avaliación Global (AG). A avaliación por defecto é a AC. A elección de AG supón a renuncia ao dereito de seguir avaliándose mediante as actividades de AC que resten e á cualificación obtida ata ese momento en calquera das probas que xa tiveron lugar.

a. A avaliación da materia constará de 3 partes: unha proba de IRPF (que ponderará un 40% sobre o total), unha proba de IS (que ponderará un 30%), e a entrega de prácticas, test e participación nas clases (que ponderará un 30% sobre o total)

b. Será preciso sacar un mínimo dun 25% da nota en xogo en cada parte.

c. Para aprobar será necesario obter alomenos un 50% dos puntos en xogo en cada proba

d. Será necesario entregar alomenos 6 propostas de solución das prácticas

e. Considerarase que o alumnado se ten presentado á avaliación continua cando se teña presentado a algunha das probas/actividades de avaliación desta modalidade

• AG en primeira oportunidade (convocatoria de maio-xuño II cuadrimestre). O alumnado será avaliado mediante unha proba escrita que comprenderá 2 estudos de caso completos (un de IRPF, que ponderará un 60%, e un de IS, que ponderará un 40%). Será necesario acadar un mínimo dun 30% en cada un dos casos.

• AG na segunda oportunidade (convocatoria extraordinaria de xullo) e na convocatoria de Fin de Carreira, O alumnado será avaliado mediante unha proba escrito que comprenderá 2
  estudos de caso completos (un de IRPF, que ponderará un 60%, e un de IS,
  que ponderará un 40%). Será necesario acadar un mínimo dun 30% en cada
  un dos casos.

As datas e horas das probas de AG (de primeira e segunda oportunidade) son as especificadas no calendario de probas de avaliación aprobado pola Xunta de Facultade para o curso 2025/26. En caso de conflito ou disparidade entre as datas de exames, prevalecerán as publicadas na web da facultade, https://fccee.uvigo.es.