O alumnado poderá elixir ser avaliado
mediante o sistema de Avaliación Continua (AC), ou, alternativamente, optar por
unha proba de Avaliación Global (AG). A avaliación por defecto é a AC. O
alumnado pode renunciar a ser cualificado por avaliación continua se así o
comunica antes da data da primeira proba parcial sinalada abaixo. A elección da
AG supón a renuncia ao dereito de seguir avaliándose mediante as actividades de
AC que resten e á cualificación obtida ata ese momento en calquera das probas
que xa se realizaron.

Con independencia do sistema de avaliación
elixido, o estudante poderá sempre optar á máxima cualificación.

Avaliación continua (AC): No caso de non renunciar á avaliación continua:

a. Avaliación: está formada polas seguintes probas e puntuacións:  

- Proba curta a principios
de cuadrimestre sobre os contidos teóricos dos temas 1 e 2, valorada con 2
puntos. 

- Proba parcial a mediados
do cuadrimestre sobre os contidos teóricos e prácticos dos temas 1 a 3,
valorada en 4 puntos.

- Proba parcial que terá
lugar o mesmo día oficial que a AG de primeira oportunidade sobre os contidos
teóricos e prácticos dos temas 4 a 6, valorada en 4 puntos.

b. Nota mínima en cada parte: para aprobar a materia é imprescindible obter en
cada unha das dúas probas parciais unha puntuación mínima de 3,5 puntos
(sobre 10).

Se nalgunha das dúas probas parciais non se
alcanza a puntuación mínima, poderase recuperar nas convocatorias ordinaria ou
extraordinaria recollidas na páxina web da facultade (http://fccee.uvigo.es).

c. Nota mínima para aprobado: Para aprobar a materia a cualificación global ten
que ser igual ou maior que 5 puntos (sobre 10).

d.Asistencia mínima: para acollerse ao
sistema de avaliación continua, o alumnado ten que asistir a un mínimo
do 80% tanto das clases teóricas como prácticas, excepto para os
estudantes de 2ª ou posteriores matrículas.

e. Considerarase
que o alumnado se ten presentado á avaliación continua cando se teña presentado
a algunha das probas/actividades desta modalidade.

f. Para aprobar a materia nas convocatorias ordinaria e extraordinaria é
imprescindible que en cada unha das dúas probas parciais se obteña unha
puntuación mínima de 3,5 puntos (sobre
10). Se non se cumpre a condición anterior (ou non se presenta ao exame), a
nota máxima da materia será de 4 puntos. Aprobarase a materia se se obtén unha
puntuación global igual ou superior a 5
puntos (sobre 10).

Avaliación global (AG) en primeira
oportunidade (convocatoria ordinaria)

O alumnado será avaliado mediante un exame
que se celebrará na data oficial recollida na páxina web da facultade e
supoñerá o 100% da nota. O exame constará de 2 partes (a primeira corresponderá
aos temas 1 a 3, e a segunda aos temas 4 a 6), cada unha das cales supoñerá o
50% da cualificación final. Para aprobar a materia é necesario que a media das
cualificacións das dúas partes sexa igual ou superior a 5 puntos (sobre
10), sendo ademais imprescindible que en cada unha das dúas partes se
obteña unha puntuación mínima de 3,5 puntos (sobre 10). Se non
se cumpre a condición anterior, a nota máxima da materia será de 4 puntos.

Avaliación global (AG) en segunda
oportunidade (convocatoria extraordinaria) e convocatoria de Fin de Carreira

O alumnado será avaliado mediante un exame
que se celebrará na data oficial recollida na páxina web da facultade e
supoñerá o 100% da nota. O exame constará de 2 partes (a primeira corresponderá
aos temas 1 a 3, e a segunda aos temas 4 a 6), cada unha das cales supoñerá o
50% da cualificación final. Para aprobar a materia é necesario que a media das
cualificacións das dúas partes sexa igual ou superior a 5 puntos (sobre
10), sendo ademais imprescindible que en cada unha das dúas partes se
obteña unha puntuación mínima de 3,5 puntos (sobre 10). Se non
se cumpre a condición anterior, a nota máxima da materia será de 4 puntos.

Os estudantes que non participen na AC nin na
AG, figurarán nas actas como "non presentados".

Recoméndase ao alumnado ter en conta o Título
VII (Do uso de medios ilícitos), do Regulamento sobre a Avaliación, a cualificación
e a calidade dá docencia e do proceso de aprendizaxe do estudantado
(https://secretaria.uvigo.gal/uv/web/normativa/public/normativa/documento/downloadbyhash/4904ced4d24eb81fe5715ddde2c48c59c0a7c4d624cd0e7491df7a753985ccfa
)

As
datas e horas das probas de AG (de primeira e segunda oportunidade) son as
especificadas no calendario de probas de avaliación aprobado pola Xunta de
Facultade para o curso 2024/25. En caso de conflito ou disparidade entre as
datas de exames, prevalecerán as publicadas na web da
facultade, http://fccee.uvigo.es/organizacion-docente.html.