Non se esixe asistencia a clase para acollerse ao sistema de avaliación continua; con todo, a materia é presencial: é responsabilidade do alumnado, asista ou non a clase, manterse ao tanto da materia (e das novidades ou axustes que se poidan producir ao longo do curso) a través do contacto coa docente e da plataforma MOOVI. A avaliación estrutúrase en tres partes:
1. Presentación oral (40%)
2. Traballo (20%)
Avaliación única
O alumnado que opte pola avaliación única deberá superar as tres partes da avaliación (traballo/s escrito/s, presentación oral e exame) na data oficial de exame sinalada pola Facultade. O/s traballo/s escrito/s acordaranse previamente coa docente da materia.
O alumnado que opte por este sistema deberá comunicalo por escrito (correo electrónico) á docente dentro das primeiras tres semanas de clase. De non comunicar nada, enténdese que se opta por avaliación continua.
SEGUNDA EDICIÓN DE ACTAS
Quen non alcance o aprobado na primeira oportunidade poderá presentarse en xuño ou xullo, na data oficial correspondente. Ademais de facer o exame (que nesta ocasión valerá o 60% da nota) terá que realizar unha presentación oral (nas datas e condicións que se acordarán co profesorado). Nesta segunda oportunidade será necesario presentarse unicamente á parte ou partes nas que non se alcanzou o aprobado previamente (parte oral e/ou parte escrita).
IMPORTANTE
Para aprobar a materia é requisito indispensable obter unha cualificación de polo menos 4 puntos (sobre 10) en cada unha das partes. De non cumprirse este requisito, aínda que a suma das partes alcance ou supere o 5 (sobre 10), a alumna ou alumno non superará a materia. Nas probas de avaliación non só se terá en conta a adecuación e calidade dos contidos, senón tamén a corrección lingüística e o rigor académico.
Penalizaranse os erros de expresión (ortografía, puntuación, incoherencias sintácticas, uso inapropiado do léxico, etc.). No caso de que se detecte copia ou plaxio nalgunha proba, esta se cualificará cun cero.
O alumnado erasmus interesado en cursar a materia deberá ter presente que resulta altamente recomendable ter un nivel de lingua española igual ou superior a C1.