OUTRAS INDICACIÓNS SOBRE A AVALIACIÓN CONTINUA

• 
  

  Para poder optar a estas porcentaxes na avaliación, deberán entregarse a totalidade dos traballos titorizados, estudos de caso e realizar as súas presentacións na aula.

  
  
• 
  

  A asistencia á materia é obrigatoria. Para poder ser avaliado da parte práctica da materia é un requisito imprescindíbel asistir ás sesións prácticas. Aquel alumnado con máis dun 25% de faltas de asistencia sen xustificar non será avaliado.

  
  
• 
  

  O exame terá lugar nas datas oficiais aprobadas polo centro.

  
  
• 
  

  Aquel alumnado que por causas xustificadas non poida acudir ás clases con regularidade deberá optar polo sistema de avaliación global.

  
  
• 
  

  Non serán avaliados os traballos entregados fóra da data establecida.

  
  
• 
  

  O sistema de avaliación para as convocatorias de xullo/fin de carreira será o mesmo ca o da convocatoria ordinaria do cuadrimestre, coa excepción de que as probas prácticas (traballos titorizados e estudos de caso) deberán realizarse de forma individual.

  
  

INDICACIÓNS SOBRE O SISTEMA DE AVALIACIÓN GLOBAL

• 
  

  O sistema de avaliación global aplicarase ao alumnado que renuncie expresamente ao sistema de avaliación continua, recomendado para cursar esta materia.

  
  
• 
  

  Esta renuncia deberá formalizarse no primeiro mes de docencia da materia, seguindo as indicacións do protocolo aprobado pola Xunta da Facultade de Comunicación e despois de informar á docente.

  
  
• 
  

  O sistema de avaliación global estará composto por un exame oficial de carácter teórico (30%), un exame con varias probas de carácter práctico (20%) e a entrega dos proxectos da materia, que se realizarán de forma individual (30%) e serán presentados diante da docente (20%).

  
  
• 
  

  Deberán superarse cada unha das probas por separado para poder aprobar a materia.

  
  
• 
  

  As probas da avaliación global realizaranse unicamente na data oficial aprobada polo centro.

  
  
• 
  

  As probas centradas nos proxectos non se recollerán fóra desa data oficial.

  
  
• 
  

  Non se ofrecerán sesións de titoría que consistan na explicación de contidos teóricos ou prácticos vistos nas sesións presenciais.

  
  
• 
  

  Non se facilitará material adicional ao xa incorporado na plataforma de teledocencia Moovi para o alumnado que renuncie ao sistema de avaliación continua.