A avaliación da materia é continua, polo que a
entrega e realización de traballos é obrigatoria para todo o alumnado. No caso de que alguén non cumpra este
requisito, perderá a avaliación continua e terá que se presentar ó exame final
da materia nas datas oficiais propostas polo centro
(www.escuelamagisterioceuvigo.es/). Aquelas persoas que non superen a materia
na primeira convocatoria, poderán presentarse á segunda convocatoria. Nese
caso, e de ter unha das partes da materia aprobada, gardarase a nota e terán
que realizar só a parte suspensa. Para o alumnado que non poida vir
presencialmente a clase, o exame será o 70% da nota final. O 30% restante
obterase mediante a realización duns traballos individuais que
deben ser entregados antes da data oficial do exame. Estas persoas que non
poidan asistir a clase desde o principio deberán comunicarllo á docente no
primeiro mes de curso. O alumnado repetidor deberá
acollerse ós criterios de avaliación da guía docente vixente no presente curso.