- Realizarase unha Avaliación Continua do traballo do alumnado nas prácticas ao longo das sesións de laboratorio establecidas no cuatrimestre, sendo a asistencia as mesmas de carácter obrigatorio. No caso de non superala, realizarase un exame de practicas, condicionado a ter superada as probas escritas, na segunda convocatoria, nunha data posterior ás proba escritas, nunha ou varias sesións e incluíndo os contidos non superados nas sesións ordinarias de prácticas. - A avaliación das prácticas para o alumnado que renuncie oficialmente a Avaliación Continua, realizarase nun exame de prácticas, condicionado a ter superada as probas escritas, nas dúas convocatorias, nunha data posterior á das probas escritas, nunha ou varias sesións e incluíndo os mesmos contidos das sesións ordinarias de prácticas. - Poderanse esixir requisitos previos á realización de cada práctica no laboratorio, de xeito que limiten a maxima cualificación a obter. - Deberanse superar todas as probas (as dúas escritas e as prácticas de laboratorio) para aprobar a materia, obténdose a nota total segundo a porcentaxe indicada máis arriba. No caso de non superar as dúas ou algunha das probas, poderase aplicar un escalado ás notas parciais de xeito que a nota total non supere o 4.5. - No exames poderase establecer unha puntuación mínima nun conxunto de cuestións para superar o mesmo. - Na segunda convocatoria do mesmo curso o alumnado deberase examinar das probas (escrita e/ou prácticas) non superadas na primeira convocatoria, cos mesmos criterios daquela. - Segundo a Normativa de Avaliación Continua, os alumnos suxeitos a Avaliación Continua que se presenten a algunha actividade avaliable recollida na Guía Docente da asignatura serán considerados como "presentados". - Os exames realizaranse nas datas establecidas polo centro. - Compromiso ético: Espérase que o alumno presente un comportamento ético adecuado. En caso de detectar un comportamento non ético (copia, plaxio, utilización de aparellos electrónicos non autorizados, e outros), considerarase que o alumno non reúne os requisitos necesarios para superar a materia. Neste caso a cualificación global no presente curso académico será de suspenso (0.0). - Poderanse propor actividades complementarias, de carácter voluntario, que complementen a cualificación calculada en función dos criterios expresados anteriormente. |