Compromiso ético:

Espérase que o alumno
presente un comportamento ético adecuado. En caso de detectar un
comportamento non ético (copia, plaxio, utilización de aparellos electrónicos non
autorizados, por exemplo), considerarase que o alumno non reúne os requisitos
necesarios para superar a materia. Dependendo do tipo de comportamento non
ético detectado, poderíase concluír que o alumno
non alcanzou as competencias necesarias para superar a materia.

Espérase

do estudante un comportamento respectuoso, digno e de colaboración
co sistema docente, profesorado, coordinación e
persoal de administración e servizos do máster. Calquera
cuestión debida á falta de comportamento ético e digno dos estudantes poderá ter repercusión sobre a avaliación da materia.

Existe un
regulamento de Traballo Fin de Máster que establece todas as condicións de elaboración e presentación. A Comisión Académica do máster, velará polo seu cumprimento, actualización e publicación.

Ademais deste
regulamento, que se atopa publicado no sitio da materia na
plataforma de docencia Faitic, existen modelos de memoria, resumo, presentación e portadas.

Lémbrase que:

O
alumno deberá seguir o procedemento descrito no devandito regulamento. En caso
de non cumprir co disposto, en contido, forma e data de entrega de solicitudes e documentación do TFM, poderase
rexeitar a presentación do TFM e avaliarase ao estudante como “non presentado” na materia.