O Módulo de Prácticas Externas do Máster correspóndese coa materia: "Prácticas Externas" (6 créditos ECTS). Para estas prácticas externas curriculares na titulación proposta respectarase o disposto tanto na normativa xeral establecida no RD 1707/2011, de 18 de novembro, polo que se regulan as prácticas académicas externas dos estudantes universitarios, como no Regulamento de Prácticas Académicas Externas da Universidade de Vigo e normativa interna de Centro que se aprobe. En todo caso, para a realización de tales prácticas externas os estudantes contarán cun titor da entidade colaboradora e un titor académico da universidade.
