Para participar na avaliación continua será requisito indispensable que o/a estudante suba a súa ficha de estudante á plataforma TEMA antes de que conclúa o primeiro mes de clase.

As cualificacións
obtidas na avaliación continua manterase na segunda convocatoria do
curso académico. Para superar a materia é preciso obter un aprobado entre
o exame final e a avaliación continua. A cualificación máxima que pode
obterse no exame final será de 5, sumándose á puntuación obtida no
devandito exame a que correspondese na avaliación continua. Para que esta suma
teña lugar será requisito imprescindible obter un mínimo de 2,5 sobre 5
no exame final.

En todas as
convocatorias o exame final poderá consistir en probas prácticas (resolución
de casos prácticos), probas de resposta curta e/ou probas de resposta longa.

Por acordo da Xunta de Facultade, os/as estudantes
que non sigan a avaliación continua terán dereito a un exame final
teórico-práctico sobre o 100%, distinto do anterior, no que se avalíe a
adquisición de todas as competencias globais da materia.

Convocatoria extraordinaria fin de carreira: a) Tipo de exame:
Os/as estudantes realizarán un exame teórico-práctico sobre a
totalidade dos contidos da materia; b) Sistema de avaliación: O 100% da
cualificación virá determinado polo resultado do exame
teórico-práctico.

As datas e horarios das probas de avaliación das
diferentes convocatorias son as especificadas no calendario de probas
de avaliación aprobado pola Xunta de Facultade e publicadas na Web http://cienciasxuridicasedotraballo.webs.uvigo.es/?*lang=é